Futbolli sensibilizohet me derbi për Ditën Kombëtare të Kancerit të Gjirit: Për kauzën që prek shumë femra

Në kuadër të Ditës Kombëtare të Depistimit për Kancerin e Gjirit Fdererata Shqiptare e Futbollit organizoi një ndeshje mes ekipit të femrave të Tiranës dhe atyre të Partizanit. Përpara nisjes së sfidës miqësore dy kapitenet e ekipeve lexuan nga një deklaratë për sensibilizimin e grave.

“Dua të falenderoj klubet për angazhimin e tyre në këtë ditë ndërgjegjësimi për kancerin e gjirit, si një sëmundje që merr jetë njerëzit dhe kush më mirë se sa këto dy ekipe mund ta ndërgjegjësojë popullatën për parandalimin e kësaj sëmundje dhe masat për diagnostifikimin në kohë të saj,”- u shpreh Florian Riza, Shef i Garave në Sektorin e Femrave.

“Jemi shumë të gëzuara që vajzat e pranuan me dëshirë këtë ftesë dhe duan të tregojnë edhe ato që femrat duhet të ndërgjegjësohen. Sporti bën mirë për shëndetin dhe kjo fushatë është shumë e rëndësishme sepse është një problem që prek shumë vajza, shumë femra,”- u shpreh Berta Lako, trajnere e Partizanit.

Ky është organizimi i parë i federatës në kuadër të sensibilizimit për këtë kauzë, por ata u kujdesën të saktësonin se nuk do të jetë i vetmi.

Tetori, në të gjithë botën, njihet si muaji rozë, me qëllim ndërgjegjësimin për zbulimin e hershëm të kancerit të gjirit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Vonesa e anulime në fluturime, 60% e udhëtimeve me probleme nga Wizz Air, mijëra qytetarë rrugëve në 2023!  ‘Air Albania’ prej kompanive më të mira

Vonesa e anulime në fluturime, 60% e udhëtimeve me probleme nga Wizz Air, mijëra qytetarë rrugëve në 2023! ‘Air Albania’ prej kompanive më të mira