Komisioneri evropian për Zgjerim, Stefan Fyle, pas takimit me ministren për integrime të Kosovës, Vlora Çitaku, ka shprehur përmes një deklarate për media mbështetjen e Komisionit Evropian për perspektivën e Kosovës drejt BE-së.

Fyle tha se do të vazhdojë të mbështesë përpjekjet e Kosovës për të përmbushur më tej perspektivën e saj evropiane.

Fyle ka inkurajuar Prishtinën të vazhdojë angazhimin e saj, sipas tij pozitiv në dialogun me Beogradin, i cili është planifikuar të vazhdojë përsëri sot.

“Progresi në dialog do të ndihmojë për të sjellë të dyja vendet, Prishtinën dhe Beogradin më afër Bashkimit Evropian dhe t’i ndihmojë ato të përmbushin perspektivën e tyre evropiane”, thekson Fyle.