BLOG/ Nga Alba Malltezi - Përrallë me tre ligje
Zhvillimi i suksesshëm i zgjedhjeve parlamentare të 2013-ës, do të jetë një test kyç për funksionimin e mirë të institucioneve demokratike në vend. Kështu mësohet të jetë shprehur Fyle gjatë bisedimeve të tij në Tiranë me presidentin Nishani, kryeministrin Berisha e kreun e PS, Rama.
Sipas zyrës së shtypit të Komisionit Evropian në Shqipëri, e cila zbardhi takimet e Stefan Fyles me figurat politike në Tiranë, thuhet se komisioneri i bëri apel politikanëve që të zhvillojnë zgjedhjet e qershorit në përputhje me standardet ndërkombëtare, të përmirësojnë besueshmërinë dhe reputacionin e institucioneve demokratike dhe të forcojnë përgjegjshmërinë e politikanëve kundrejt qytetarëve shqiptarë.
Fyle mësohet të ketë deklaruar gjithashtu, se statusi i vendit kandidat për Shqipërinë është i arritshëm. “Iu takon politikanëve shqiptarë të forcojnë më tej procesin e integrimit të Shqipërisë drejt Bashkimit Evropian”, thuhet në njoftimin e zyrës së shtypit të KE-së.
Komisioneri Fyle përsëriti që Komisioni është i vendosur të forcojë më tej procesin e integrimit të Shqipërisë drejt Bashkimit Evropian. "I tërë procesi i reformave që kanë të bëjnë me procesin e integrimit në Bashkimin Evropian duhet të jetë i qëndrueshëm, përfshirës dhe i udhëhequr nga konsensusi – në të mirë të të gjithë qytetarëve shqiptarë", tha komisioneri Fyle pas takimeve të tij në Tiranë.
Komisioneri i diskutoi këto çështje edhe me komunitetin ndërkombëtar në Shqipëri, përfshirë edhe përfaqësuesit e OSBE-së.
Lexoni këtu mbi takimet e Fyles me Nishanin, Berishën e Ramën
VIZITA E FYLES NE TIRANE DHE TAKIMET ME POLITIKANET
Paraditen e sotme eurokomisioneri shkroi në rrjetin social Twitter se: "Erdha në Tiranë për të adresuar çështjen më kyçe të shtetit modern shqiptar- Çfarë duhet të bëhet që zgjedhjet të mos kontestohen”, duke treguar qëllimin e vizitës, krejt ndryshe nga çfarë ishte diskutuar në opinion politik e media, se kishte ardhur për 3 ligjet që kërkojnë miratimin me 3/5 e votave në kuvend.
Fyle publikoi rreth orës 09:00 deklaratën e tij në Twitter, ndërsa ishte në hotel Sheraton në takim me ambasadorët e akredituar në Tiranë, BE-së, OSBE-së dhe SHBA-së.
Para se të zhvillonte takimin me Sali Berishën dhe Edi Ramën Fyle preferoi të kishte një mëngjes pune me ambasadorët e BE-së si dhe atë të OSBE-së e SHBA-së. Takimi nisi rreth orës 07:30 minuta dhe u mbajt në hotel Sheraton. Më pas rreth orës 09:30 minuta Fyle u takua me ambasadorin e BE-së Ettore Sequi, atë të OSBE-së Eugen Wollfarth dhe të SHBA-sëm, Aleksandër Arvizu.
Takimi mes ambasadorëve, Arvizu, Sequi dhe Wollfarth i nisur reth orës 09: 30 minuta zgjati gati një orë dhe Fyle iu drejtua kryeministrisë për takimin me kryeministrin Berisha dhe më pas me kreun e PS-së, (ora 12:10) në selinë PS. Takimet zgjatën përreth 1 orë.Më tej PS, në njoftimin për shtyp, bën të ditur se Rama i paraqiti Fyles propozime që garantojnë sipas tij, ndershmëri në zgjedhje.
Me presidentin Nishani komisioneri për zgjerimin e BE-së zhvilloi një takim tek restorant Sofra e Ariut. Pritet që komisioneri për zgjerimin e BE-së të largohet nga Shqipëria pa bërë asnjë deklaratë.
AMBASADORI HOLANDEZ: ME FYLE FOLEM PER ZGJEDHJET DHE TRE LIGJET
Ora 09:40 - Ambasadori hollandez, Martin de la Beij me të dalë nga takimi në hotel Sheraton tha se “Në qendër të diskutimeve me komisionarin Fyle ishin zgjedhjet parlamentare dhe votimi i tre ligjeve që mbajnë peng vendin”
Pak ditë më parë po në profilin e tij në rrjetin sociali “Twitter” komentoi rëndësinë e zgjedhjeve parlamentare, por dhe mungesën e kulturës së kompromisit mes palëve. "Zgjedhjet janë të rëndësishme, por nuk zgjidhin çështje kritike: si mungesën e kulturës së kompromisit dhe mungesën e përfshirjes”, -shkruante komisioneri Fyle në “Twitter”.
Ndërkombëtarët kanë në vëmendje zhvillimin e zgjedhjeve parlamentare të 23 qershorit. Madje BE ka deklaruar se zhvillimi i tyre sipas standardeve janë kusht për fillimin e negociatave me BE.
PO TRE LIGJET?
Miratimi në parlament të tre ligjeve të përcaktuara nga Brukseli si kusht për marrjen e statusit të vendit kandidat janë një tjetër temë që do të diskutohet nga komisioneri në takimet që do të zhvillojë sot paradite. Nuk dihet nëse ai do t’ju paraqesë palëve një formulë kompromisi apo thjesht do të përpiqet që të ushtrojë trysni në emër të interesit që vendi të përparojë në rrugën e integrimit. Mes palëve politike shqiptare janë në lojë edhe llogaritë elektorale, të cilat e kanë rritur më tej tensionin e brendshëm. Në muajin mars tre ligjet e vëna kusht nga Brukseli për të marrë statusin e vendit kandidat duhet të marrin përgjigje nga palët politike. Pak ditë më parë Komisioneri evropian i Zgjerimit, gjatë një konference për Ballkanin Perëndimor në Parlamentin Evropian u shpreh se: “Do të ishte mëkat nëse tre ligjet, kusht nga Komisioni Evropian, nuk do të votoheshin”.
Redaksia Online
(sg/Gre.M/Shqiptarja.com)
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
