Qeveria gjermane nuk ka asnjë arsye për të devijuar nga linja e politikës së saj ekonomike, buxhetore dhe sociale, njoftoi sot ministri gjerman i Ekonomisë, Sigmar Gabriel, pas publikimit të parashikimeve të rritjes ekonomike, e rishikuar në rënie.

"Gjermania nuk është në recesion, por gjithmonë mbi një trajektore të rritjes ekonomike", theksoi ministri socialdemokrat.

"Nga ana tjetër, borxhet në Gjermani nuk krijojnë rritje ekonomike në Itali, Francë, Spanjë dhe apo në Greqi", theksoi Gabriel duke iu përgjigjur qartë kërkesave për të bërë më shumë për dinamikën konjukturale në Evropë.

ATSH