POP 5

Lajmet më të lexuara të 5 minutave të fundit

Sociale

Gangrena e plehrave në Vlorë, në prill hapet landfilli i ri për depozitimin e mbetjeve urbane

Më në fund kanë përfunduar punimet për landfillin e ri të Vlorës në fshatin Sherishtë dhe prej muajit prill mbeturinat urbane të qytetit të Vlorës dhe të Orikumit do të depozitohen në landfillin e ri. Ndërsa fusha aktuale e mbetjeve kthyer në gangrene për qytetin bregdetar do të mbyllet!

Landifilli i ri i Vlorës që ndodhet në fshatin Sherishtë do të vihet në funksion në muajin Prill të këtij viti.

“Bashkia e Vlorës ka shkëputur kontratën me subjektin dhe tashmë “Sherishta” është në pronësi të Bashkisë pre muajit tetor 2023. Jemi duke u marrë me procedurat dhe në prill 2024 fillon puna”.

Çelja e Sherishtës zgjidh problemin e mbartur prej vitesh të keqmenaxhimit të mbetjeve urbane në qytetin bregdetar, ku shpeshherë u është vënë flaka plehrave që aktualisht depozitohen tek ish-Fusha e Aviacionit.

“Gazi metan shkakton ndezjen e zjarrit. Kjo nuk do të jetë më problem në Vlorë. Plehrat këtu janë vite të grumbulluara edhe mund të ndizen vete. Ndërsa nëse i kanë ndezur qëllimisht duhet ta zbardhë prokuroria”, tha Erinolda Lushaj Drejtore e Shërbimeve në Bashki.

Drejtoresha e shërbimeve publike në Bashkinë e Vlorës tha se procesi në landifillin e ri do të kryhet në tre faza.

“Faza e parë nis me depozitimin e mbetjeve nga qyteti në landifillin e ri. Pra mbetjet qe mbledhim ne qytet nis nga prill do te çohen ne landfillin e Sherishtes”. Faza e dytë është kapsulimi në landfill dhe faza e trete është rehabilitimi i dy fushave te vjetra, ish-Aviacioni dhe Orikumi”.

Landfilli i Sherishtës ndodhet 10 km larg qytetit të Vlorës dhe duhej të kishte përfunduar në vitin 2021. Tenderin për ndërtimin e tij e kishte fituar kompania “ITS” e Klodian Zotos, i cili është në kërkim për çështjen e inceneratorëve. Siç deklaron drejtoresha e Shërbimeve në Bashkinë e Vlorës, ngërçi 3 vjeçar është zgjidhur dhe landfillin e ka marrë në pronësi Bashkia e Vlorës. “Sherishta” ka kushtuar 20.8 milionë euro të financuara nga KFV (banka gjermane për zhvillim), nga të cilat 12.5 milionë euro janë kredi dhe pjesa tjetër grante.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34