TIRANE- Ish-kryetari i Kuvendit, Servet Pëllumbi kundërshton mënyrën se si disa prej figurave të njohura brenda Partisë Socialiste po vetëofrohen në garën për kreun e Bashkisë së Tiranës. Pëllumbi kërkon nga drejtuesit e PS-së që të mos ndikohen në përzgjedhjen e figurës që do të përfaqësojë koalicionin e majtë në zgjedhjet e 21 qershorit.

Sygjerimi i ish-kryeparlamentarit është që kandidati që do të dalë nga e majta për të garuar në zgjedhjet vendore, të përzgjidhet pasi emri i tij të ketë marrë pëlqimin e votuesve nëpërmjet sondazheve, dakordësinë e drejtuesve të PS-së dhe të jetë një figurë dinjitoze për përfaqësimin e të mazhorancës.