TIRANË- Në rend afalbetik, një e nga një 8 kandidatët për kreun e Byrosë Kombëtare të Hetimit do t'i nënshtrohen intervistimit pranë ambienteve të SPAK në datat 26-27 shkurt.
Të ndarë në dy grupe me nga 4 persona, kandidatët përgjatë një ore do t'u përgjigjen pyetjeve të anëtarëve të Komisionit të Përzgjedhjes dhe i gjithë ky proces do të vëzhgohet nga ndërkombëtarët. E para që do të intervistohet do të jetë Aida Veizaj mëngjesin e 26 shkurtit, për t'u ndjekur nga Ardian Çipa, Artur Beu dhe Ervin Hodaj. Më 27 shkurt, e nis Gentjan Shehaj në orën 10:00 dhe intervistimi më pas vijon me Lindita Nushin, Idajet Faskajn dhe përfundon me Ylli Pjetërnikajn.
8 kandidatët iu nënshtruan më herët testit fizik dhe atij me shkrim si dhe "makinës së vërtetës". Lidhur me rezultatet, specifikisht në testin e poligrafit, Komisioni i Përzgjedhjes shprehet se janë konfidenciale dhe rregullat për aksesimin e një informacioni të tillë janë shumë të rrepta.
"Komisioni i Përzgjedhjes gjithashtu sqaron se spekulimet në media në lidhje me numrin e kandidatëve që mund të kenë ngelur në testin e poligrafit nuk janë të vërteta. Rezultatet e testeve të poligrafit janë konfidenciale dhe rregullat për aksesimin e një informacioni të tillë janë shumë të rrepta", thuhet në njoftim.
Pas intervistimit pritet që komisioni të përzgjedh një emër fitues dhe më pas t'ia propozoj atë Këshillit të Lartë të Prokurorisë i cili përzgjedh drejtuesin e Byrosë Kombëtare të Hetimit me votim. Në këtë garë fillimisht morën pjesë 40 kandidatë dhe në dy fazat testuese arritën që të kualifikohen vetëm 8 aplikantë. Kreu i Byrosë Kombëtare të Hetimit do të përzgjidhet nga një komision i SPAK, në të cilin bëjnë pjesë kreu i Prokurorisë së Posaçme kundër Krimit të Organizuar dhe Korrupsionit, Arben Kraja dhe dy prokurorët Behar Dibra si dhe Eneid Nakuçi.
BKH do të jetë struktura mbështetëse hetimore për SPAK. Në përbërje të saj do të jenë edhe 60 hetues të cilët pas përzgjedhjes do të trajnohen në Shtetet e Bashkuara të Amerikës.
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
