Garda Revolucionare e Iranit tha të shtunën se Ismail Haniyeh, lideri politik i Hamasit - grupit të shpallur terrorist nga Shtetet e Bashkuara dhe Bashkimi Evropian, u vra nga një raketë me rreze të shkurtër veprimi.
Ajo i akuzoi Shtetet e Bashkuara se e mbështetën sulmin, për të cilin e fajësoi Izraelin, raporton televizioni shtetëror iranian.
Garda Revolucionare e përsëriti thirrjen për hakmarrje, dhe tha u përdor “një raketë e mbushur me materiale me peshë rreth shtatë kilogramë” për ta vrarë liderin e Hamasit në banesën ku po qëndronte ai në Teheran të mërkurën. Ajo tha se sulmi shkaktoi shkatërrim të madh, por nuk tregoi hollësi rreth vendndodhjes së banesës.
Haniyeh ndodhej në Iran për të marrë pjesë në inaugurimin e presidentit të ri të Iranit, Masud Pezeshkian.
“Sulmi u planifikua dhe u krye nga regjimi sionist dhe u mbështet nga SHBA-ja”, tha Garda në komunikatën e publikuar në televizionin shtetëror.
Izraeli nuk e ka marrë përgjegjësinë për vrasjen e Haniyehut, por as nuk e ka mohuar atë. Megjithatë, Izraeli vazhdimisht është zotuar se do t’i vrasë atë dhe liderët e tjerë të Hamasit, për shkak të sulmit që ky grup e kreu në jug të Izraelit më 7 tetor, duke e nxitur luftën në Rripin e Gazës.
Vrasja e tij ka nxitur frikën për rrezikun e një konflikti të gjerë rajonal dhe të një lufte të drejtpërdrejtë mes Izraelit dhe Iranit, nëse Teherani hakmerret.
Në prill, Irani e nisi një sulm ndaj territorit izraelit me dronë dhe raketa. Izraeli i rrëzoi pothuajse të gjitha gati 300 raketat dhe dronët iranianë, falë ndihmës nga Shtetet e Bashkuara dhe aleatët e tjerë.
Irani nuk e njeh Izraelin dhe i mbështet grupet kundër Izraelit, përfshirë Hamasin dhe grupin libanez, Hezbollah.REL
Lajme të tjera
-
SHBA rrit praninë e avionëve ushtarakë në Lindjen e Mesme
3 Gusht, 12:14 -
Sytë drejt Teheranit! Izraeli pret sulmin dhe paralajmëron: Do të përgjigjemi
3 Gusht, 08:10 -
Hakmarrja e Hezbollahut/ Në Izrael njerëzit nxitojnë drejt supermarketeve, autoritetet japin udhëzime për strehimoret! Inteligjenca parashikon sulm gjatë festës hebreje
2 Gusht, 22:46 -
OKB: Të shmanget përshkallëzimi në Lindjen e Mesme
2 Gusht, 07:52 -
Irani thotë se një pjesëtar i Gardës iu vra gjatë sulmit izraelit në Bejrut
2 Gusht, 07:31 -
Detaje të reja nga vrasja e liderit të Hamas, Haniya/ New York Times: Nuk ishte raketë, por një bombë me telekomandë
1 Gusht, 20:38 -
Izraeli konfirmon vrasjen e liderit të krahut ushtarak të Hamasit në Gaza
1 Gusht, 14:25 -
Homazhe për liderin e Hamasit që u vra nga sulmi me raketë, Khamenei udhëheq lutjet! Irani mbyll hapësirën ajrore
1 Gusht, 08:31 -
Izraelitët dhe libanezët përgatiten për hakmarrjen e Izraelit kundër Hezbollahut
31 Korrik, 15:20 -
Lufta/ Lideri i Hamasit, Ismail Haniyeh vritet në Iran, grupi palestinez: Përshkallëzim serioz! Austin: SHBA do të mbrojë Izraelin nëse sulmohet
31 Korrik, 07:35 -
Hamasi-Izraeli fajësojnë njëri-tjetrin për mosarritjen e një marrëveshjeje armëpushimi
30 Korrik, 07:50 -
Vendet perëndimore u bëjnë thirrje qytetarëve të tyre që të largohen nga Libani
29 Korrik, 21:08
