Gardhi metalik/ Braçe shpërthen ndaj opozitës: Komike, unë në ’97 kam hyrë i larë në gjak në Kuvend

Me tone të ashpra i është kthyer deputeti socialit Erion Braçe, deputetëve të PD të cilët po krijojnë kaos në sallë. Braçe duke u ndalur tek gardhi metalik, u kthye pas në kohë duke thënë se në ‘97 është futur në Kuvend i larë në gjak.

Braçe: Ju i bëtë thirrje disa herë deputetëve që janë të padënuar të PD që të futen në sallë. Do doja t’i bënit thirrje PD të lejojë deputetët e pa përjashtuar në sallë. E kanë me njëri tjetrin, jo me kuvendin, as me këtë palën këtu. Ne folëm për ata që ka ndodhur jo më larg se dy ditë më parë, me të ardhmen e Shqipërisë, jo me të shkuarën e Shqipërisë. Këtu ka dy botë, një botë që punon dhe sheh të ardhmen dhe një botë që kërkon me çdo kusht të mbajë të shkuarën. E kanë gabimin, te historia e shkuar nuk vajtëm ne, shkuan këta. Meqë unë Pandi dhe Salih Berisha kemi ngelur më të vjetrit këtu do doja të kujtoja që jam zgjedhur deputet në 96, kur zotëria që është atje i la PS vetëm 10 deputetë. Unë me thënë të drejtën jam një ndër ata që kam hyrë në Kuvend i larë në gjak, jo si ata që janë atje jashtë. Kur kam hyrë në këtë sallë në prill 97, Tirana nuk ishte me gardh për të rregulluar hyrjen normale të ca njerëzve, por në shtet rrethim që drejtohej nga shefi i shtabit, kryetari i shik. Ai zotëria që ishte kryetari i PD, vinte këtu na sulmonte ne dhe ata që kishin organizuar grushtin e shteti, njësoj siç sulmon SHBA. Komike.

Lajmi kryesor:

Kuvendi me gardh metalik, të përjashtuarit përplasen me Gardën! Noka me benzinë tenton t’i vërë flakën një banderole! Tensione edhe në sallë, Vokshi nuk lejon raportimin e KLSH

SI.E./I.M/Shqiptarja.com

TAG:
• Garda e Republikës
• PD kaos ne kuvend
• Parlamenti