Me shumë gjasa karriera e Gareth Bale në “Santiago Bernabeu” po përfundon. Duket se tashmë Real Madrid ka marrë vendimin për të mos vazhduar me lojtarin nga Wellsi sezonin e ardhshëm. 3 ndeshje në stol nga 4 të fundit, janë një tregues se tashmë ajo mes Bale dhe Zidane është kthyer në një çështje, por sigurisht që mbi të gjitha domethënës ishte fakti që sulmuesi 28-vjeçar nuk u aktivizua si titullar në duelin e fortë europain me PSG-në. Rikthim si titullar vetëm në ndeshjen me Betisin, por që nuk e pa protagonist në asnjë prej 73 minutave, ku u shënuan 4 gola.

Sjellja e sulmuesit 28-vjeçar ka qenë një faktor që e ka ndaluar atë të triumfojë në Madrid. Bale është treguar disi egoist në fushë, pa menduar për kolektivin, duke mbetur si një pjesë e huaj në trupin e kësaj skuadre, pa arritur të integrohej me të.

Në mënyrë paradoksale aftësitë e tij të jashtëzakonshme si lojtar nuk ka arritur t’ia shtojë organikës për një një lojë në ekip. Transferimi i tij në Madrid ishte ndër më të shtrenjtët e historisë së ‘Los Blancos’, por Bale nuk pati rendimentin e dëshiruar, sikundër paraqiti një dobësi fizikë dhe mentale duke mos plotësuar kriteret për të qenë ai lideri i ri i këtij grupi.

I dëmtuar 25 herë, Bale ka humbur plot 78 ndeshje, pothuajse një në tre takime. Tani Realin kërkon të largojë Bale me synimin për të marrë yje si Eden Hazard, Harry Kane dhe Mauro Icardi.