Gashi i papërmbajtshëm, De Biasi:
Nuk jam hero, krenar për shtetësinë

Gashi i papërmbajtshëm, De Biasi:<br />Nuk jam hero, krenar për shtetësinë
“Unë nuk jam një hero. Unë jam thjeshtë një njeri normal që përpiqem të bëj punën me seriozitet. Ndihem i nderuar  për faktin që kam marrë shtetësinë e Shqipërisë dhe do të luftojë për ta nderuar". Kjo është deklarata e trajnerit të Kombëtares shqiptare Gianni De Biasi gjatë një interviste për mediat greke pas rezultateve pozitive që arriti me kuqezinjtë në 4 ndeshjet e para që ka zhvilluar.

Në vazhdim të intervistës, De Biasi ndalet edhe te rruga e eliminatoreve të Francës. “Rruga drejt kualifikimit është shumë e vështirë. Ne kemi arritur disa fitore të rëndësishme, por kemi nevojë për rezultate pozitive kundër skuadrave si Danimarka dhe Portugalia” deklaroi tekniku. Nuk ka si të mungojë në cdo intervistë edhe ajo që ndodhi në Serbi, që sipas De Biasit ishte një çmenduri.

“Unë mendoj se ishte një vendim i padrejtë. Kjo nuk ishte zgjidhja e duhur për problemin. Para dronit, serbët hodhën fishekzjarrë dhe gurë në fushë. Shqipëria u dënua, pasi është vend i vogël”.

Në fund De Biasi mbanë me optimizëm edhe grekët për një kualifikimin të mundshëm në Europian edhe pse ndodhen disa pikë pas nga vendet e para. “Unë shpresoj, edhe pse është e vështirë që Greqia do të gjendet në Francë. Është një ekip me lojtarë të mirë. Kurrë mos thoni kurrë” përfundoi ai.

Gashi, i pandalshëm
Tashmë nuk ka më dyshime, sulmuesi shqiptar Shkëlzen Gashi është lojtari i momentit në Zvicër, pasi ka shënuar dopietë edhe në ndeshjen e Kupës përballë St.Gallen.

Kujtojmë që Gashi shënoi edhe dy gola në fundjavë në kampionat përballë Arau, njërin nga të cilët nga mesfusha pas daljes së portierit.

Me një sulmues të tillë, ndoshta edhe trajneri i Kombëtares, De Biasi duhet të mendojnë sërish skemat, pasi mund t’ia vlejë të ndryshojë skemë në vend që sulmuesi të jetë në rezervë.

Dëmtohet Kukeli
Nuk kanë të përfunduar dëmtimet për Burim Kukelin, i cili do të qëndrojë sërish disa javë jashtë fushës, pasi është dëmtuar në takimin e kësaj fundjave në Zvicër, ku Zurich luajti përballë Lucern.

Kukeli u detyra ta lërë fushën në minutën e 63 dhe duhet të qëndrojë pa luajtur për disa javë. Kukeli ishte titull në ndeshjen që Shqipëria zhvilloi përballë Armenisë në Elbasan, të cilën kuqezinjtë e fituan 2-1.


d.balla/shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

VIDEOLAJM/ Në Dortumnd shqiptarët mbushin sheshet, këndohet dhe kërcehet shqip! Shikoni atmosferën elektrizuese

VIDEOLAJM/ Në Dortumnd shqiptarët mbushin sheshet, këndohet dhe kërcehet shqip! Shikoni atmosferën elektrizuese