POP 5

Lajmet më të lexuara të 5 minutave të fundit

Sport

Gati për ‘El Clasico’, Real Madrid
sfidon Barcelonën në ‘Camp Nou’

Lionel Messi përballë Cristiano Ronaldo. Kjo është sfida ndërmjet dy yjeve të futbollit botëror, që mbrëmjen e së shtunës, në orën 20:30 do të nxehë El Clasico-n në Camp Nou.
Gati për ‘El Clasico’, Real Madrid<br />sfidon Barcelonën në ‘Camp Nou’
Lionel Messi përballë Cristiano Ronaldo. Kjo është sfida ndërmjet dy yjeve të futbollit botëror, që mbrëmjen e së shtunës, në orën 20:30 do të nxehë El Clasico-n në Camp Nou. Një duel që vështirë se do të jetë përcaktues për titullin, me Barcelonën që duket e pandalshme drejt triumfit, por që mund të jetë vendimtare për të ardhmen e Zinedine Zidane.

Një sfidë speciale kjo për Zidane, që në El Clasicon e parë si trajner do të ketë përballë Luis Enrique-n, pas debatit të ashpër në fushë 13 vjet më parë, kur ishin protagonist në të njëjtat skuadra, por si futbollistë.

“Nou Camp” është gati për të festuar dhe tifozët shpresojnë të përjetojnë një tjetër triumf, pas suksesit 4-0 në fazën e parë të kampionatit, që i kushtoi stolin Rafa Benitez. 10 pikët avantazh që katalanët kryesues në La Liga kanë nga rivalët e përjetshëm janë tregues i diferences ndërmjet dy skuadrave në këtë sezon, por në El Clasico mund të ndodhë gjithçka.

Kjo është supersfida e parë pas ndarjes nga jeta e Johan Cruyff dhe Barça kërkon të vazhdojë ta nderojë legjendën e klubit, me një fitore përballë Realit.

Trajneri i Barcelonës, Luis Enrique në konferencën për shtyp para “El Clasicos” së dytë të sezonit siguroi se futbollistët e tij janë gati fizikisht dhe pzikologjikisht. “Pas kthimit të futbollistëve nga grumbullimet me kombëtaret respektive kam parë se kanë një dëshirë të cmendur për të fituar në “El Clasico”.

Në triumfojmë, do t’i jepnim goditjen përfundimtare Realit.  Ne vijmë në këtë ndeshje në momentin tonë më të mirë, por emri i kundërshtarit na detyron të jemi shumë të kujdeshshëm, duke dhënë gjithsecili 100% të mundësive.”

I buzëqeshur, me besim dhe plot dëshira. Kështu përballet Zinedine Zidane në El Clasicon e tij të parë si trajner, që vjen plot 10 vjet e një ditë në distancë nga ndeshja e tij e fundit si lojtar. ”Këtë natë do të fle mirë i qetë, ndërsa të shtunën do të argëtohem duke e parë El Clasicon nga një pozicion i privilegjuar.

Është e pamundur që të jesh më pranë fushës. Nuk do të jetë e lehtë të mposhtësh këtë Real. Nuk e di se çfarë mendojnë apo thonë në Barcelonë dhe as nuk më jep bezdi nëse ndihen favoritë pasi unë jam i sigurt. Jemi mirë, dinamika është pozitive dhe nuk do jetë e lehtë të na mposhtin”.

Ronaldo
Redaksia/ Shqiptarja.com

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58