Receta

Gatime nga zonja Albana, Byrek me mish të grirë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 10 Shkurt 2022, 11:49 | Përditesimi: 10 Shkurt 2022, 11:52

Byrek me mish të grirë

Përbërësit:

Për brumin:

LEXO EDHE:
Bakllava me kadaif dhe arra nga zonja Albana

750 gr miell

1 ½ lç kripë

100 gr vaj ulliri

2 lgj uthull

340 ml ujë i vakët

Për mbushjen:

1 qepe mesatare

2-3 lgj vaj ulliri

1 kg mish i grirë

2 lgj verë te kuqe

2 karrota

1 spec

150-200 gr salcë domate

200 gr djathë kaçkavall

Spec djegës

Rozmarinë, majadanoz

Kripë, piper

Përgatitja:

Në një tas vendosim miellin dhe kripën. E përziejmë dhe hapim një gropë në mes ku shtojmë ujin e vakët dhe uthullën. E punojmë brumin mirë derisa të shkëputet nga ena. Në momentin që është gati e lemë për 30 minuta të qetësohet mbuluar me membrane kuzhine.

Ndërkohë fillojmë me përgatitjen e mbushjes. Në një tigan të madh kaurdisim qepën e grirë imët. Sapo qepa të bëhet transparente shtojmë karrota të prera në kubikë të vegjël ose të grira në rende. Vazhdojmë kaurdisjen për 4-5 minuta dhe më pas shtojmë mishin e grirë. E kaurdisim mirë mishin derisa të përthithë të gjitha lëngjet dhe më pas e shuajmë me pak vere të kuqe. Sapo të avullojë alkooli shtojmë salcën e domates dhe e lemë të marrë valë në temperaturë mesatare për rreth 15 minuta. Në fund shtojmë djathin kaçkavall, specin djegës, rozmarinën dhe majdanozin.

Hapim petët spërkatur me pak miell dhe përgatisim byrekun me shtresa mbushje sipas dëshirës.