Receta

Gatime nga zonja Albana, Petulla me arra dhe mjaltë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 14 Janar 2022, 10:51 | Përditesimi: 14 Janar 2022, 10:52

Petulla me arra dhe mjaltë

Përbërësit

3 kokrra vezë

LEXO EDHE:
Petulla me miell misri nga zonja Albana

100 gr sheqer

150 ml qumësht

300 gr miell|
1 pako pluhur pjekës

80 gr arra të thërrmuara

Vaj për skuqje

Mjaltë për servirje

Përgatitja:

Rrahim mirë me rrahës elektrik vezët me sheqerin derisa sheqeri të tretet. Në momentin që krijohet shkumë sipër enës shtojmë qumështin dhe vazhdojmë përzierjen. Më pas shtojmë miellin e trazuar me pluhurin pjekës. E punojmë mirë brumin që të mos ketë kokrriza dhe të jetë sa më homogjen dhe kompakt. Në fund shtojmë arrat e thërrmuara dhe e lemë brumin të pushojë për rreth 15 minuta.

Ndërkohë mbushim me vaj një tigan të thellë dhe e lemë në zjarr të lartë derisa vaji të nxehet plotësisht. Vendosim petullat lugë lugë të skuqen derisa të fryhen dhe të marrin ngjyrë të artë.

I vendosim petullat e skuqura në letër kuzhine, i lemë një minutë sa të përthithet vaji dhe më pas i vendosim në një pjatancë servirje duke i spërkatur me mjaltë dhe arra të thërrmuara.

MC/Shqiptarja.com

TAG: