Kombëtarja shqiptare e futbollit luan më 16 dhe 19 nëntor në Tiranë kundër Çekisë dhe Ukrainës, dy sfidat e fundit këto në Grupin B1 të Ligës së Kombeve.
Për të analizuar gjendjen e Kombëtares A dhe moshat kuqezi, në Report TV me gazetarin Andi Kapxhiu foli gazetarja e sportit Klodiana Bufi. Sipas saj, është i çuditshëm fakti që kapiteni Berat Gjimshiti është dëmtuar tre herë me Atalantën para grumbullimit me ekipin kombëtar.
Ndërkohë fokusi u zhvendos edhe te Shpresat U-21 të Alban Bushit, që dy ndeshjet miqësore kundër Moldavisë do i zhvillojë në stadiumin e Vorës dhe do ketë pjesë edhe lojtarë që vijnë nga klube të njohura, si Maldin Kaçurri i Arsenalit.
"Janë dy kohë të ndryshme nga Euro 2016, një tjetër trajner dhe një tjetër ekip. Ecuria e ekipit ka qenë shumë e mirë me De Biasin dhe Sylvinhon. Ka disa diferenca, më parë luanim më shumë në mbrojtje, tipike kjo e një trajneri italian. Ndërsa me brazilianin kemi një lojë më sulmuese, megjithëse këto dy muaj sulmi ka qenë reparti më i vështirë. Gjë që u pa edhe me Çekinë në ndeshjen e parë. Shpresoj që të "marrim hak" në sfidën e kthimit.
Mungesat dhe Gjimshiti tre grumbullime radhazi jashtë - Të gjitha mungesat janë të rëndësishme, për repartet dhe çka japin në fushë. E them pa doreza, më duket pak çudi dëmtimi i Gjimshitit. Nuk më lë shije të mirë, hera e tretë para Kombëtares. Dhe më pas kthehet në klub dhe është në formë të mirë. Më tingëllon e çuditshme. Ai është kapiteni ynë dhe do ndihet mungesa e tij, si edhe e futbollistëve të tjerë.
Shpresoj që Sylvinho të shfrytëzojë emrat në sulm, kemi një lojtar si Uzuni që në Spanjë po e vlerësojnë të gjithë. Me dhjetë minuta në fund Sylvinho e djeg kot, kemi një futbollist kaq të mirë që kërkon më shumë hapësira. I kemi edhe një "borxh" që nuk e morëm në Euro 2024.
Lista e Kombëtares U-21? Për mua ishte shokuese lista që ka bërë trajneri Alban Bushi, unë nuk njohja shumicën e këtyre talenteve. Mes tyre shoh edhe Maldin Kaçurrin. Një djalë që luan me Arsenalin në "Emirates" dhe e çojmë të luajë në Vorë për dy ndeshje miqësore. Ku është motivimi që u bëjmë këtyre talenteve, nga një nivel aq i lartë i ulim kaq poshtë. Ky futbollist duhet të ishte me Sylvinhon, nuk ka rëndësi ndeshja miqësore. Edhe Christian Shpendi nuk e di pse nuk e marrin në ekip. Dua të di kur është momenti.
Kemi edhe emra që me klubet bëjnë mirë dhe në Kombëtare nuk kanë dhënë asgjë. Rasti i Muçit. Te klubi i tij jep shumë, në Kombëtare nuk po bën asgjë të jashtëzakonshme. Ka edhe emra të tjerë që lihen në stolin e rezervave, Arbër Hoxha përshembull që kur futet në fushë e impresionon kundërshtarin. Duhet më shumë bashkëpunim mes U-21 dhe ekipit A", tha Klodiana Bufi.
Lajme të tjera
-
Nata e dytë e Fest 63, 15 artistë të tjerë ngjiten në skenë
20 Dhjetor, 20:50 -
Konfirmimi i prokurores Eranda Laze ankimohet në Kolegj
20 Dhjetor, 19:41 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Të çash trafikun në Tiranë, 'mision i pamundur'! 'Paralizohen' rrugët, radhë të gjata mjetesh edhe në autostradën Thumanë -Kashar (VIDEO)
20 Dhjetor, 17:32 -
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
-
Goditën me sende të forta 34 vjeçarin, arrestohen 2 të rinjtë në Tiranë
20 Dhjetor, 15:38 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Detaje/ Si u pastruan 11 mln euro të krimit përmes ‘Green View Marketing’, i çuan në Kanada! Kompania u krijua nga roja e plazhit! Në sitë 38 shoqëri të huaja, me aktivitet kazino e baste online
20 Dhjetor, 14:29 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09
