Gazment Bardhi: Berishës nuk i intereson fitorja e PD! Kërkon të furnizojë me 'karburant' revolucionin e tij imagjinar bashkë me Metën kundër SHBA

Teksa Sali Berisha shkon nga njëri qytet te tjetri, duke prezantuar kandidatët e koalicionit 'Shtëpia e Lirisë' për zgjedhjet e pjesshme vendore, për  Sekretarin e Përgjithshëm të PD-së, Gamzent Bardhi, qëllimi i tij nuk është fitorja e demokratëve. Sipas Bardhi, Berisha po demaskon veten, duke sulmuar vetëm PD dhe nuk thotë asnjë fjalë për kandidatin e PS. Bardhi shkruan se Berishës i intereson vetëm të furnizojë me “karburant” revolucionin e tij imagjinar bashkë me Ilir Metën kundër SHBA.

"Sali Berisha po demaskon veten dita ditës duke sulmuar vetëm Partinë Demokratike dhe demokratët. Asnjë fjalë për kandidatët e Partisë Socialiste në zgjedhjet  e 6 Marsit. Vetëm fyerje, sharje, shpifje dhe intimidim për kandidatët e Partisë Demokratike. Betejën e ka me PD dhe demokratët, jo me regjimin e Edi Ramës. Këtë metodë ka futur edhe tek ato pak njerëz që i shkojnë nga pas në 6 bashkitë. Nuk i interesojnë demokratët, nuk u intereson fitorja e tyre, i intereson vetëm të furnizojë me “karburant” revolucionin e tij imagjinar bashkë me Ilir Metën kundër SHBA.  Çdo votë për “Shtëpinë e Ilirit” është votë kundër demokratëve, kundër PD, dhe votë që fuqizon pushtetin e Edi Ramës", shkruan ai.

LEXO EDHE:
Zbrazja e Shqipërisë, 'amnistia' Bardhi dhe liria e shtypit

Lajmi kryesor:

PD akuza Berishës: Po bën fushatë me Tom Doshin, Vangjush Dakon e Aqif Rakipin! Bardhi: Berishës nuk i intereson fitorja e PD

TAG:
• gazment bardhi