Gazment Bardhi publikon videon: Berisha-Rama-Meta kanë të njëjtin hall, mbajtjen peng të Shqipërisë! Ja si janë të lidhur me njëri-tjetrin

Sekretari i Përgjithshëm i Partisë Demokratike, Gazment Bardhi, përmes një video të publikuar në rrjete sociale ka hedhur akuza ndaj kryeministrit Edi Rama, Presidentit Ilir Meta dhe ish-kryeministrit Sali Berisha.

Bardhi shprehet se njëri koordinon sulmin mbi Partinë Demokratike, tjetri financon 'Foltoren' dhe tjetri zbaton skenarin për shkatërrimin e PD. Sekretari i Përgjithshëm i PD thekson se të tre, Berisha, Meta dhe Rama kanë të njëjtin hall, mbajtjen peng të Shqipërisë.

“Njëri kordinon sulmin mbi PD, tjetri financon foltoren, tjetri zbaton skenarin për shkatërrimin e PD. Të tre kanë të njëjtin hall, të tre duan ta mbajnë Shqipërinë peng. Kushdo e ka të qartë se ata janë bashkë, se në Shqipëri ka vetëm një opozitë, që është PD. Zgjidh Ramën dhe merr Berishën dhe Meten. Zgjidh Berishën e Meten dhe merr Ramën.”- shkruan Bardhi në rrjete sociale.

Në videon e publikuar nga Bardhi citohet kreu i shtetit Ilir Meta, i cili tregoi në një konferencë për shtyp mesazhet që kishte shkëmbyer me Belind Këlliçin para protestës së dhunshme në selinë blu të shtunën e 8 janarit.

Ndër të tjera në videon e Bardhit tregohet edhe momenti kur Flamur Noka shkëmben mesazhe me kryeparlamentaren Lindita Nikolla për t’i dhënë fjalën në foltoren e Kuvendit ish-kryeministrit Sali Berisha.

Situata në Partinë Demokratike është e tensionuar mes Berishës-Bashës, ku palët hedhin akuza ndaj njëri-tjetrit se bashkëpunojnë me kryeministrin Edi Rama. Ndërsa Presidenti Ilir Meta ka dalë në krah të ish-kryeministrit Berisha.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • KARABUSH KASAP REXHEP BULE LEKA [ KEPI ]: 29/01/2022 09:35

    O Gazment Bardhi ti je një zar i lyl shal ngjitmit ti je një vemje e ndyr. Po populli Shqiptar ju njef me rënjë se kush jeni prandaj kot që lefni pa pushim. Populli do tju japi atë që ju meritoni.

    Përgjigju
  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Jupi në 'Pa Protokoll': Gara e 'Rithemelimit' e njëanëshme! Bushati: Ka mbështetjen e bazës! Lumezi: Demokratët të bashkohen pa Bashën e Berishën