POP 5

Lajmet më të lexuara të 5 minutave të fundit

Ekonomi

Gazsjellësi TAP fton partnerë
nga Italia e Greqia

Konsorciumi i gazsjellësit Trans-Adriatik (TAP) mirëpret partnerë nga Greqia dhe Italia, pas përjashtimit të gazsjellësit ITGI, që duhej të kalonte nga këto dy vende, për të sjellë gaz në Evropë.
Gazsjellësi TAP fton partnerë<br />nga Italia e Greqia
ATHINE- Konsorciumi i gazsjellësit Trans-Adriatik (TAP) mirëpret partnerë nga Greqia dhe Italia, pas përjashtimit të gazsjellësit ITGI, që duhej të kalonte nga këto dy vende, për të sjellë gaz në Evropë. Kështu është shprehur menaxheri i TAP për Greqinë, Rikard Skufias. Në një intervistë të dhënë në Athinë, Skufias ka deklaruar se gazsjellësi do të hyjë në Greqi nga kufiri me Turqinë dhe do të kalojë në Shqipëri për të dalë në Itali.

Grupi i udhëhequr nga British Petroleum (BP) po zhvillon fazën e dytë të bisedimeve në fushën e Shah Denizit, ku duhet të përzgjedhë brenda muajit qershor midis gazsjellësit të Evropës Jug-Lindore dhe projektit Nabucco. Në fazën e tretë, fituesit do t'i duhet të konkurrojë me projektin TAP dhe vendimi do të merret nga mesi i vitit 2013. Projekti TAP mendohet të sjellë fillimisht 10 miliardë metra kub gaz në vit, me mundësi dyfishimi të kësaj sasie më pas. Zgjerimi i kapaciteteve të linjës së gazsjellësit në fjalë do të bënte të mundur furnizimin edhe të Qipros, Izraelit, Irakut dhe Turkmenisë.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30