Deputeti Gent Strazimir anëtar i Këshillit të Mandatave ka publikuar pak më parë një status, përmes të cilit synon në mënyrë ironike  edhe një herë të vërë në dukje, se ish-ministri Saimir Tahiri është ai për të cilin flitet në përgjimet e italianëve dhe nuk ka Saimir tjetër sikurse ky i fundit pretendon.

Anëtari i Këshillit të Mandateve dhe deputeti i Partisë Demokratike, Gent Strazimiri me anë të një statusi në Facebook, por në formë ironike kërkon që të theksojë se ish-ministri i Brendshëm, Saimir Tahiri, është personi për të cilin flitet në dokumentat e publikuar nga përgjimet e italianëve.

Me anët të këtij statusi Strazimiri, hedhë poshtë pretendimet e kundërta të deputetit Saimir Tahiri.

Postimi i plotë në Facebook i Gent Strazimirit:

Në bashkësinë e madhe të Saimirëve të këtij vendi, nga fashikujt e hetimeve të antimafias italiane Këshillit të Mandateve të Kuvendit, I duhet veçojë vetëm 1 që:

- ta ketë mbiemrin "Tahiri"

- të jetë "deputet në Shqipëri", "njeri I politikës"

- të jetë pronar I makinës tip "Audi" me targa AA 003 GB

- që 5 milionë euro në muaj nuk I dalin, e as 20 milionë euro për fushatë elektorale...

... Prokuroria e ka zënë një por, ai na tha sot me zë dhe figurë "nuk jam unë...është një Saimir nga Fieri...shofer kamioni..."!

Shokët e bandës në emër të "reformës në drejtesi" dhe "të dhënies fund të të paprekëshmëve dhe paprekshmërisë"... e besojnë....

KAQË!

dokumenti

(Dokumenti i publikuar nga Gent Strazimirit në Facebook)

Redaksia Online
N.M/ Shqiptarja.com