POP 5

Lajmet më të lexuara të 5 minutave të fundit

Kultura

Gërmimet arkeologjike në Shtyllas të Apolonisë peng i burokracisë, Këshilli i Trashëgimisë Kulturore nuk aprovon lejen

30 arkeologë e studiues shqiptarë, gjermanë e rumunë presin prej datës 1 shtator të nisin gërmimet arkeologjike në Tempullin e Shtyllasit, pranë Apolonisë. Pengesë për punën e tyre është bërë Këshilli Kombëtar i Trashëgimisë Kulturore e Materiale, i cili ende nuk ka aprovuar lejen për gërmime. Rreth kësaj problematike flet professor doctor, Bashkim Lahi që drejton këtë ekspeditën.

Në tempullin e Shtyllasit, pranë parkut arkeologjik të Apolonisë ekipi shqiptaro-gjerman i arkeologëve pret të nisë punën për vazhdimin e gërmimeve dhe përpunim shkencor te gjetjeve arkeologjike.

“Përmes gërmimeve të reja shpresojmë të sqarojmë disa çështje që lidhen me datimin e monumentin, arkitekturën si dhe shtrirje e tij. Kujtoj se ky tempull është i tipit dorik dhe është i vetmi që ruhet në Adriatikun Lindor. Me të dhënat qe kemi deri tani tempulli i shtyllasit daton diku nga fundi i shek. 6 pr. Kr. -fillimi i shek. 5 pr. Kr”, Prof. Dr. thotë Bashkim Lahi, drejtues i projektit “Tempulli i Shtyllasit”.

Grupi i punës ka zbarkuar në terren prej datës 1 shtator, por Këshilli Kombëtar i Trashëgimisë Kulturore e Materiale ende nuk ka aprovuar lejen.

“Gërmimi arkeologjik behet mbi bazën e një projekti te shkruar dhe te një planimetrie, ku përcaktohet zona që do të gërmohet. Ne vazhdim projekti kalon ne Këshillin Kombëtar të Trashëgimisë Kulturore Materiale ku merret leja e nevojshme për gërmim, besoj brenda këtyre ditëve. Grupi i punës është tashmë i formuar plotësisht dhe sapo te marrim lejen jemi gati për te filluar gërmimet”, vijon Lahi.

Ekspedita do të zgjasë 2 muaj dhe vjen si bashkëpunim shqiptaro-gjerman - rumun me pjesëmarrjen e rreth 30 studiuesve, studente dhe bashkëpunëtorë ndihmës.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

25 Dhjetor, 20:04 nga Xhensila Nako