Gjana: Spahia, vasal i PD,
mbledhja e firmave, pa afekt 

“Firmat që po tentohen të mblidhen synohen të përdoren si presion ndaj Kryesisë së PLL për t’ju rikthyer kursit të vjetër të vasalitetit ndaj PD”. Kështu shprehet kryetari i Partisë Lëvizja e Legalitetit, Sulejman Gjana, duke iu referuar takimeve në bazën e legalistëve të paraardhësit të tij, Ekrem Spahia. Gjatë një prononcimi për Shqiptarja.com, Gjana thotë se mbledhja e firmave nga Spahia me qëllim shkarkimin e kreut të PLL dhe mbajtjen e zgjedhjeve, nuk ka asnjë vlerë statutore. Sipas tij, PLL nuk është parti e Katovicës dhe as parti private, ndërsa lëvizjen e Spahiut e quan tendencë për të rikthyer PLL-në në vasalitetin e PD.