POP 5

Lajmet më të lexuara të 5 minutave të fundit

Sociale

“Gjëmoi vendi, llahtari! Ranë gotat nga bufeja, u çanë muret”! Banorët në Dimal: Shpërthimet në gurore dëmtojnë banesat

Shpërthimet me lëndë plasëse në një gurore në fshatin Pashalli të bashkisë Dimal kanë plasaritur muret e disa banesave. Ndërsa policia bëri të ditur se ka nisur hetimin në gjendje të lirë për administratorin e gurores, Adrian Çaushaj.

Berat- Banorët e fshatit Pashalli në bashkinë e Dimalit janë të tronditur pasi toka lëkundet vazhdimisht dhe banesat e tyre kanë pësuar plasaritje të mureve. Ata shprehen se pronat e tyre janë dëmtuar nga shpërthimet në një gurore që gjendet jo larg zonës së banuar.

Firma “2PO6” në pronësi të Adrian Çaushajt dyshohet se ka përdorur lëndë plasëse për nxjerrjen e gurëve, por ky shpërthim sipas banorëve ishte shumë i fuqishëm. Ata shprehen se shpërthimet kanë ndodhur gjatë fundjavës (21 dhe 22 shtator) dhe të hënën kanë denoncuar në polici. Stacioni i Policisë Dimal referoi materialet në Prokurori ku nisi procedim në gjendje të lirë për 51-vjecarin Adrian Çaushaj, ndërsa banorët kërkojnë kompensim për dëmet.

“Unë kam parë llahtari, shpërthim i paparë. Më janë dëmtuar shtëpitë, muret. Duhet të hiqet gurorja. Edhe arat janë mbushur me gurë, aq I fortë ishte”, tha një banor.

“Erdhi si gjëmim, si vullkan nga poshtë. Ranë gotat nga bufeja, ranë gjërat të gjitha. Pashë muret e çara. Tmerr jemi trembur shumë”, shprehet një banore.

Fshati Pashalli dhe zona periferike e Dimalit prej vitesh përballen me ndotje tepër të lartë mjedisore, pasi janë disa firma që ushtrojnë aktivitetin e nxjerrjes së gurit në kodrat e zonës. Sipas banorëve, ato jo vetëm nuk përdorin filtra mbrojtëse gjatë aktivitetit, por përdorin herë pas here lëndë shpërthyese. Numri i banesave ende nuk dihet me saktësi dhe as shkalla e dëmtimit të tyre pasi në terren ende nuk kanë mbërritur grupet e ekspertizës nga bashkia e prefektura.

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • solle lili: 25/09/2024 02:54

    NGRIHUNI LEVIZNI NE DONI TOKA, SHTEPI, E KATANDI

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

17 Nëntor, 22:00