Gjenden eshtra në kishën historike të Shën Lezhdrit! Asnjë arkeolog në kishën monument kulture të Lezhës

Gjurmët e një ngjarjeje të panjohur janë zbuluar në kishën historike të Prullit në Lezhë. Eshtra dhe gëzhoja plumbash kanë dalë në dritë gjatë punimeve që po kryejnë banorët e zonës në qelën e kishës së "Shën Llezhdrit"

Edhe pse kisha është një monument kulture, në kantierin e punimeve nuk gjendet asnjë restaurator apo arkeolog, ndaj këto zbulime kanë mbetur në duart e banorëve. Mund të jenë eshtra të ndonjë ushtari Italian apo Prifti, por nevojiten hulumtime të tjera, tha Tonin Kolthi i cili punon në këtë kishë.

‘Janë gjetur eshtrat dhe ca gëzhoja besoj se nga fortifikimi, i kanë zbuluar punëtorët duke pastruar murin. Kjo është kishë shumë e vjetër ndaj mirë do ishte të bëhej ADN e eshtrave që ta shohim se çfarë është kjo’- tha Tonin Kolthi.

LEXO EDHE:
Shëngjin, rrezikonin të mbyteshin nga dallgët teksa peshkonin, shpëtohen 2 persona nga Policia Kufitare

Kisha e "Shën Llezhdrit" në fshatin Prull është restauruar 2 vite më parë me kontributin e banoreve të zonës, ndërsa zbulimet vazhdojnë të mbërthejnë kuriozitetin për këtë vend të shenjte për të cilin ka shumë histori e gojëdhëna. Ky objekt kulti daton në vitin 1402 ndaj kërkohet që ekspertët e arkeologjisë të kryejnë gërmime e studime për të mësuar se kujt i përkasin këto eshtra.

M.Q./AV/Shqiptarja.com

TAG:
• Lezhe
• kisha e shën lezhdrit
• Tonin Kolthi