POP 5

Lajmet më të lexuara të 5 minutave të fundit

Kronikë

Thyen arrestin shtëpiak dhe gjendet i mbytur në rezervuarin e Gjançit në Korçë! Identifikohet 25 vjeçari, dyshohet se është goditur me një mjet të fortë

Thyen arrestin shtëpiak dhe gjendet në ujërat e Rezervuarit të Gjançit në Korçë. Bëhet fjalë për Fridman Xhaferraj 25 vjeç në datën 21 maj është liruar nga dhomat e paraburgimit duke u lënë në arrest shtëpie në fshatin Plug të Lushnjës.

KORÇË- Thyen arrestin shtëpiak dhe gjendet në ujërat e Rezervuarit të Gjançit në Korçë. Bëhet fjalë për Fridman Xhaferraj, 25 vjeç i cili në datën 21 maj është liruar nga dhomat e paraburgimit duke u lënë në arrest shtëpie në fshatin Plug të Lushnjës. Xhaferraj ishte i akuzuar për zjarrvënie të pronës së tjetrit, përfshirë 3 makina pranë një qendre tregtare. Burime të sigurta thanë se në trupin e 25-vjeçarit janë konstatuar shenja të shumta dhune në trup dhe kokë, ç'ka tregon se 25-vjeçari para se të hidhej në ujërat e Rezervuarit të Gjançit është dhunuar deri në vdekje diku tjetër. Policia shprehet se po punohet për sqarimin e gjithë dinamikës së ngjarjes.

"Më datë 13.06.2021, rreth orës 11:13, në rezervuarin e Gjançit, në Korçë, është konstatuar i mbytur një shtetas ende i paidentifikuar. Shërbimet e Policisë dhe grupi hetimor kanë shkuar në vendngjarje dhe vijon puna për identifikimin e trupit të pajetë si dhe për zbardhjen e rrethanave të ngjarjes. Trupi i pajetë do të dërgohet drejt morgut, përgjigjja e ekspertizës mjekoligjore për të përcaktuar shkakun e vdekjes", shkruhet në njoftimin e Policisë.

Policia ndodhet në vendngjarje dhe po punon për identifikimin dhe zbardhjen e plotë të rrethanave të ngjarjes

Rendit zhvillimet sipas orarit:
Ora 14:58
U gjend i mbytur në rezervuarin e Gjançit në Korçë, identifikohet 25 vjeçari! Dyshohet se është goditur me një mjet të fortë

Fridman Xhaferraj është 25 vjeçari i gjetur i mbytur në rezervuarin e Gjançit, në Korçë. Dyshohet se ai mund jetë vrarë pasi është goditur me një mjet të fortë. 25 vjeçari ka qenë dënuar më parë për veprën penale "Shkatërrimi i pronës me zjarr", kryer në bashkëpunim). Gjykata e Rrethit Gjyqësor Lushnjë kishte caktuar për këtë shtetas ndryshimin e masës së sigurisë, nga "Arrest në burg" në "Arrest në shtëpi". Më parë ai u ka vënë zjarrin tre makinave të parkuara pranë një qendre tregtare në Lushnje.

Njoftimi i policisë:

Në vijim të informacionit paraprak, në lidhje me ngjarjen e ndodhur në rezervuarin e Gjançit, në Korçë, ku mesditën e sotme u konstatua pa shenja jete një shtetas, ju informojmë se: Në vijim të veprimeve hetimore të kryera nga specialistët për Hetimin e Krimeve në Komisariatin e Policisë Korçë, u bë e mundur identifikimi i viktimës i cili është shtetasi F. Xh., 25 vjeç, banues në fshatin Plug, Lushnjë (i dënuar më parë për veprën penale "Shkatërrimi i pronës me zjarr", kryer në bashkëpunim).

Gjykata e Rrethit Gjyqësor Lushnjë, me vendimin e datës 21.05.2021, kishte caktuar për këtë shtetas ndryshimin e masës së sigurisë, nga "Arrest në burg" në "Arrest në shtëpi". Grupi hetimor nën drejtimin e Prokurorisë të Rrethit Gjyqësor Korçë, në bashkëpunim edhe me Drejtorinë Vendore të Policisë Fier, po vijojnë hetimet për zbardhjen e plotë të rrethanave të kësaj ngjarjeje.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hajde: 13/06/2021 19:53

    Me kome te mare Ishalla . Te gjith keta qe jan problematik . Teheqshjin njoni tjetrin. Qete gjej populli qetesi

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46