GJENEVË- Komisionerja e lartë e OKB-së për të Drejtat e Njeriut, Navi Pillay akuzoi sot xhihadistët e Shtetit Islamik (EI) për kryerjen e një spastrimi etnik dhe fetar në Irak dhe kërkoi gjykimin e përgjegjësve të krimeve kundër njerëzimit.
"Shkelje të rënda dhe të tmerrshme të të Drejtave të Njeriut janë kryer çdo ditë nga Shteti Islamik në Irak dhe në Levant (EIIL) dhe grupet e armatosura.
Ata sulmojnë vazhdimisht burrat, gratë dhe fëmijët në funksion të përkatësisë të tyre etnike, fetare apo sektare dhe po kryejnë në mënyrëtë pamëshirshme një spastrim etnik dhe fetar në rajonet nën kontrollin e tyre", deklaroi Pillay, në një komunikatë./ATSH/