Kandidati i pavarur Gjergj Nika, pas mbylljes së procesit të votimit, u shpreh me tone kritike ndaj të dy forcave kryesore politike në Vlorë.

“Sot politika në Vlorë ka rënë, si nga PS ashtu edhe nga PD. Qytetarët kanë bojkotuar PS për keqmenaxhimin e qytetit dhe keqqeverisjen e bashkisë, që në dy vite prodhoi tre kryetarë. Kanë bojkotuar edhe PD për vendimet e gabuara,” tha Nika.

Sipas tij, rezultati i ulët i pjesëmarrjes është tregues i qartë i humbjes së besimit ndaj klasës politike:

“Sot, nëse opozita do të ishte e bashkuar, PS do të ishte thyer. U mbars mali dhe polli një mi – kjo është ajo që prodhuan qytetarët e Vlorës,” u shpreh ai me ironi.

Duke theksuar pjesëmarrjen e ulët, Nika shtoi:

“Nuk qeveriset Vlora me 7% të votave. Këtë e kemi thënë gjatë gjithë kohës, se përqindja nuk do të shkonte më shumë se 15%. Qytetarët sot folën — Vlora sot prodhoi politikë.”


Lajmi kryesor:

Zgjedhjet në 5 bashki, shqiptarët braktisin procesin! Pjesëmarrja në minimumin historik, votuan 18.45% e zgjedhësve