GJERMANI – Berlini drejt dërgimit të trupave në Ukrainë

BERLIN - Gjermania synon të dërgojë 200 ushtarë në Ukrainë për të garantuar sigurinë e misionit të OSBE-së për të cilin Parisi dhe Berlini kanë propozuar dërgimin e avionëve pa pilotë, sipas të përditshmes gjermane "Bild".
"Mes 200 ushtarëve figurojnë 50 parashutistë të dërguar në kuadrin e një misioni që duhet paraprakisht të marrë miratimin e deputetëve gjerman", sipas "Bild" që nuk i citon burimet e saj.
Një zëdhënës i Ministrisë së Punëve të Jashtme njoftoi se "qeveria franceze dhe gjermane zhvillojnë aktualisht me Organizatën për Bashkëpunim dhe Siguri në Evropë (OSBE), bisedime që kanë të bëjnë me mënyrën se si të mbështsim sa më mirë objektivat e OSBE-së në Ukrainë".
"Për momentin bëhet fjalë vetëm për bisedime eksploruese", shtoi ai, duke theksuar se shefi i diplomacisë gjermane Frank Walter Steinmeier kishte biseduar për këto çështje me përgjegjësit francezë të cilët i takoi kur vajti në Prais.
Ministria franceze e Punëve të Jashtme kishte shpallur të hënën se Parisi dhe Berlini kishin propozuar të furnizonin OSBE-në, me kërkesë të kësaj të fundit, me avionë pa pilotë për të mbikëqyrjen e vendosjes së armëpushimit në Ukrainë.
OSBE-ja  është ngarkuar me mbikëqyrjen e armëpushimit në Ukrainë dhe me një mision vëzhgues në lindje të vendit, që ndodhet nën një konflikt të armatosur mes forcave ukrainase dhe separatiste të mbështetura nga Rusia.
Këta të fundit kontrollojnë disa pika kufitare, "kjo i mundëson atyre të marrin përforcime, duke përfshirë edhe materiale ushtarake të rënda", sipas Kiveit./ATSH/

TAG:
• OSBE