GJERMANI – Berlini, Kievi, Moska dhe Parisi kërkojnë fundin e luftimeve në Ukrainë

BERLIN -Shefat e diplomacisë gjermane, franceze, ruse dhe ukrainase u mblodhën dje në mbrëmje në Berlin për të mbështetur marrëveshjet për paqe të Minskut kërcënuar nga tensionet në lindje të Ukrainës.
"Tetë javë kanë kaluar që prej negociatave të Minskur dhe nuk ka asnjë dyshim që është arritur në qetësi relative (...), por është shumë herët për të deklaruar fitoren", nënvizoi ministri gjerman i Punëve të Jashtme, Frank-Walter Steinmeier, para fillmit të diskutimeve me homologët e formatiti të ahstuquajtur "Normandie".
Shefat e diplomacisë gjermane, franceze, ruse dhe ukrainase shprehën shqetësimin e madh mbi shkeljet e armëpushimit në Ukrainë duke kërkuar fundin e luftimeve dhe dialog politik, në një komunikatë të përbashkët.
"Ne shprehim shqetësimin tonë përsa i përket luftimeve të ndodhura këtë fundjavë, veçanërisht me përdorimin e armëve të rënda pranë Chirokine dhe aeroportit të Donetskut. Ju kërkojmë të gjitha palëve të ndërpresin luftimet", deklaruan katër ministrat, pas një takimi të gjatë në Berlin.
Ata kërkuan tërheqjen e armëve të rënda, por gjithashtu tërheqjen e mortajave, armëve të rënda të një kalibri të ulët me 100mm si dhe të gjithë llojet e tankeve.
"Kjo kërkesë shkon përtej marrëveshjes së Minskut të miratuar në muajin shkurt", konfirmoi kreu i diplomacisë gjermane, Frank-Walter Steinmeier duke komentuar rezultatin e takimit para gazetarëve.
Katër ministrat njoftuan vullnetin e tyre për të ngritur katër grupe pune sa më shpejt të jetë e mundur pranë grupit tripalësh të kontaktit që përfshin Ukrainën, Rusinë dhe OSBE-në.
Steinmeier nënvizoi se dikutimet e djeshme kanë qenë të gjata, shumë intensive dhe herë herë shumë konfliktuale.
"Asgjë nuk është e lehtë në krizën ukrainase", theksoi ai duke nënvizuar se nuk kishte alternativë për dialog politik. /ATSH/

TAG:
• OSBE