Gjermani/ Policia në kërkim të rusit! Hodhi nga ura një të mitur ukrainas: Duhet të flisni rusisht, vendi juaj e filloi luftën i pari

Gjermania është tronditur nga lajmi se një burrë dyshohet se hodhi një djalë 10-vjeçar nga një urë sepse fliste në gjuhën ukrainase. 40-vjeçari që besohet se është rus po hetohet për rastin.

Sipas mediave të huaja, 40-vjeçari iu afrua fëmijëve që flisnin në gjuhën ukrainase të ulur në një urë në qytetin Einbeck, duke u thënë atyre se duhet të flisnin rusisht dhe se Ukraina e kishte filluar luftën e para.

Më pas ai sulmoi dy nga fëmijët, duke tërhequr një vajzë nga flokët dhe duke hedhur një djalë nga ura, raportojnë mediat e huaja.

Pas veprimit të tij 40-vjeçari është larguar me vrap. Fatmirësisht shokët e djalit e kanë ndihmuar të dalë nga uji dhe është dërguar në spital.

Prokurori i përgjithshëm e konsideron sulmin të motivuar politikisht, i cili thekson se sulmuesi fliste rusisht.

Fëmijët e tjerë të cilët ishin të pranishëm u treguan prindërve për ngjarjen, të cilën prokurorët po e trajtojnë si tentativë për vrasje.

S.S/Shqiptarja.com

TAG:
• gjermani
• Rusi
• ukraine