Sulmi vdekjeprurës i Hamasit ndaj Izraelit më 7 tetor dhe përgjigja ushtarake e Izraelit ndaj këtij sulmi zgjojnë emocione dhe mobilizojnë mijëra njerëz edhe në Gjermani. Një valë e paprecedentë e antisemitizmit e shpreh këtë në mënyrë tronditëse, ashtu si edhe sulmet kundër jetës hebreje në Gjermani. Zhvillimi i situatës së sigurisë në Gjermani varet kryesisht nga zhvillimi i situatës në Lindjen e Mesme.
Presidenti i Zyrës Federale për Mbrojtjen e Kushtetutës, Thomas Haldenwang, shpreh shqetësimin e autoriteteve gjermane të sigurisë për sulmet me motive islamike në veçanti. "Rreziku është real dhe më i madh se sa ka qenë për një kohë të gjatë," u shpreh Haldewang me fjalë të pazakonta të qarta.
Al Kaeda dhe ISIS në qendër të vëmendjes
Zyra për Mbrojtjen e Kushtetutës është veçanërisht e shqetësuar për aktivitetet e organizatave të njohura terroriste islamike Al Kaeda dhe "Shteti Islamik". Asnjëra nga organizatat nuk ka ndonjë lidhje me Hamasin. Megjithatë, tani po shfaqet një cilësi e re, paralajmëron Haldenwangu: "Ne shohim në spektrin xhihadist thirrje për sulme dhe një 'lidhje' të Al-Kaedës dhe ISIS me konfliktin në Lindjen e Mesme."
Konkretisht, Zyra Federale për Mbrojtjen e Kushtetutës ka frikë se individët në veçanti mund të radikalizohen deri në atë pikë sa të mund të sulmojnë të ashtuquajturat objektiva "të buta", siç janë demonstratat publike në qiell të hapur, me mjete të thjeshta, si p.sh. thika ose automjete. "Ne po punojmë shumë për të penguar planet e mundshme kundër sigurisë së hebrenjve, institucioneve izraelite, por edhe protestave të mëdha," tha Haldenwang.
Presidenti i Zyrës për Mbrojtjen e Kushtetutës nuk i përmendi shprehimisht tregjet e Krishtlindjeve, por është e qartë se këto lloj ngjarjesh që kërkojnë vëmendjen e autoriteteve gjermane të sigurisë.
Arrestim i dy të rinjve ditën e martë
Të martën, policia veproi në Brandenburg dhe Rinin Verior-Vestfalinë: atje, një 16-vjeçar dhe një 15-vjeçar kishin rënë dakord në një forum radikal islamik për të kryer një sulm kundër një sinagoge ose një tregu Krishtlindjesh. Nuk është e sigurt që kjo do të kishte ndodhur, por policia vendosi të ndërhyjë me shpejtësi në kuadër të masës parandaluese të sigurisë.
Në fillim të tetorit, në Duisburg u arrestua një terrorist islamik i njohur prej kohësh nga autoritetet e sigurisë. Ai kishte udhëtuar në të ashtuquajturin Shteti Islamik, për të cilin kishte vuajtur një dënim prej disa vitesh burg në Gjermani pas kthimit të tij. Ai dyshohet se kishte planifikuar një sulm kundër një aktiviteti pro-izraelit dhe ndodhet në paraburgim. DW
Lajme të tjera
-
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Gjermani/ Tragjedi në Magdeburg, makina përplas turmën në Tregun e Krishtlindjeve, 2 të vdekur e 68 të plagosur! Kapet autori! S'ka shqiptarë të lënduar (VIDEO)
20 Dhjetor, 20:49 -
Zgjedhjet në Gjermani/ Elon Musk shpreh hapur mbështetjen për AfD-në, partinë e ekstremit të djathtë
20 Dhjetor, 16:49
