Gjermania kërkon fundit e konfliktit azero-armen

Ministri gjerman i Punëve të Jashtme, Frank-Walter Steinmeier kërkoi sot t'i jepej fund konfliktit sporadik mes Azerbajxhanit dhe Armenisë rreth rajonit të Nagorny-Karabaghut, që kërcënon sipas tij stabilitetin në rajon.

"Në Evropë, kemi parë me shqetësim rritjen e incidenteve këto kohët e fundit", theksoi ai në në një konferencë shtypi me homologun azar, Elmar Mammadyarov, pas një takimi me presidentin, Ilham Aliev.

Bashkëngjitur Azerbajxhanit në kohën sovjetike, Nagorny-Karabakh, një rajon separatist me shumicë armene, ka qenë burimi i një lufte që ka shkaktuar 30 000 të vdekur dhe qindra mijëra refugjatë nga viti 1988-1994.

Një armëpushim u nënshkrua në vitin 1994, por Baku dhe Erevani nuk arritën të binin dakord për statusin e rajonit, që mbetet një burim tensioni në Kaukazin e Jugut, një zonë strategjike që ndodhet mes Iranit, Rusisë dhe Turqisë.

Në muajin gusht më shumë se 20 ushtarë nga dy kampet humbën jetën në përplasjet më të përgjakshme që prej armëpushimit në vitin 1994.

Presidenti francez, François Hollande do të zhvillojë takime në Paris javën e ardhshme me përfaqësuesit e grupit të Minskut, përbërë nga ndërmjetësuesit e konflikteve, të emëruar në vitin 1992 nga OSBE dhe që Franca bashkëdrejton me Rusinë dhe SHBA-në.

Steinmeier theksoi se Gjarmania shpreson që takimi në Paris do të ndihmojë në mbajtjen e disa qëndrimeve që janë ngurtësuar nga e kaluara.

ATSH

TAG:
• OSBE