Heret në mëngjesin e ditës së dielë, sindikata Verdi ka rënë dakord me propozimin për rritjen e rrogave. Rreth një milionë punonjës të sektorit publik në 15 lande të Gjermanisë do të kenë rroga më të larta prej tetë përqind dhe më së paku 240 euro bruto më shumë - nëse kjo përqindje nuk e arrin këtë shifër. Rritja e rrogës do të bëhet gradualisht brenda tri viteve të ardhshme. Marrëveshja ka evituar valën e re të grevave në kopshte për fëmijë, në shkolla dhe në fusha të tjera në sekorit publik. Por këto masa nuk vlejnë për landin Hessen, ku gjendet edhe qyteti i pasur Frankfurt mbi Majnë. Ky land ka dalë nga Komisioni i Landeve para 15 vitesh dhe ai zhvillon negociata të ndara me sindikatat.
Sa kushton rritja?
Kryenegociatori i landeve gjermane, senatori i Berlinit Mathias Kolatz thotë se rritja më e re e rrogave do të kushtojë për landet rreth 7,3 miliardë euro më shumë, por landet do ta përballojnë më lehtë këtë rritje, për shkak se ajo do të jetë graduale dhe jo e përnjëhershme. Kolatz pohon se punonjësit në këtë mënyrë do të marrin një pjesë të tortës nga zhvillimi i mirë ekonomik në Gjermani, në vitet e fundit, por edhe nga paratë e mbledhura prej tatimeve. Nga marrëveshja duhet të përfitojnë rreth 2,3 milionë punonjës të shërbimeve publike dhe ish - punonjës të cilët tani janë në pension.
Kreu i sindikatave Franz Bsirske tha se kjo është "marrëveshja më e mirë e mundshme me landet, e arritur në disa vitet e fundit". Ai pohon se kjo është një marrëveshje e mirë për punonjësit, por edhe për të gjithë qytetarët, sepse në spitale, në shërbimet e emergjencës, zjarrfikësve dhe në shërbimet tjera do të ketë më shumë para. Bsirske pohon se kjo është edhe një "ngritje spektakolare e imazhit të këtyre profesioneve", sepse kohët e fundit shumë prej këtyre profesioneve po përballen me mungesë serioze të fuqisë punëtore, për shkak të rrogave të ulëta. Gjendja më e rëndë është në shërbimin e përkujdesjes për të moshuarit, ku kërkohet fuqi punëtore edhe nga vendet e tjera
Shkaku kryesor - mungesa e punonjësve
Krahas rritjes së përqindjes, parashikohet që rroga bazë e punonjësve në shërbimin e përkujdesjes të rritet për të paktën 120 euro (neto) në muaj, e mësuesve për 105 euro, ndërsa e praktikantëve për 50 euro. Ekspertët mendojnë se kjo rritje ka të bëjë në radhë të parë me përpjekjet e autoriteteve për të shtuar atraktivitetin e këtyre profesioneve, sepse Gjermania po përballet me mungesë shumë serioze të fuqisë punëtore në disa shërbime publike. Vetëm në shkolla mungojnë aktualisht rreth 40.000 mësues. Në këtë fushë fltet për domosdoshmërinë e rritjes edhe më të madhe të rrogave, me qëllim që shkollat të jenë konkurrente me rrogat në sektorin privat. /DW
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Gjermania furnizon për herë të parë Ukrainën, i jep 4000 dronë me inteligjencë artificiale
20 Nëntor, 11:45 -
Presion ndaj Scholzit që të mos garojë për një tjetër mandat si kancelar i Gjermanisë
19 Nëntor, 20:09 -
Dëmtohet kablloja nënujore mbi 1 mijë kilometra e gjatë që lidh Gjermaninë me Finlandën, Berlini: Sabotim
19 Nëntor, 16:05 -
Gjermani/ Të Gjelbrit zgjedhin Robert Habeck si kandidat për kancelar në zgjedhjet e parakohshme
17 Nëntor, 18:07 -
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39
