KRUJE- Punimet për rikonstruksionin e pazarit të vjetër të Krujës janë inspektuar nga ministrja e Zhvillimit Urban dhe Turizmit, Eglantina Gjermeni. Ajo shtoi se në përfundim të këtij projekti pazarit të vjetër të Krujës, pritet t'i rikthehet identiteti.
 
Qëllimi final sipas Gjermenit është kthimi i pazarit të Krujës në një destinacion turistik të frekuentuar në të gjitha stinët e vitit.
 
Ministrja shtoi se një tjetër komponent i rëndësishëm i këtij projekti është dhe krijimi i Shoqatës së Artizanëve dhe veçanërisht, vlerësimi i punës së dorës dhe artizanatit.
 
Ndërkohë, ministrja inspektoi edhe zbatimin e punimeve të projektit për sistemimin dhe ndriçimin e rrugës së malit të Krujës, të financuar nga Fondi i Zhvillimit të Rajoneve me vlerë totale investimi.

Redaksia Online
(e.s/shqiptarja.com)