ELBASAN- Një 49-vjeçar ka përfunduar në spital pasi është rrëzuar nga muri ku tentoi të futej në hotelin ku po pushonte. Kjo ngjarje ka ndodhur sepse 49-vjeçari e gjeti derën kryesore të hotelit të mbyllur dhe pasi tentoi të futej nga muri rrethues, u rrëzua aksidentalisht.
Ngjarja ka ndodhur pak pas mesnatës, rreth orës 01:30, ndërsa burime bëjnë me dije se 49-vjeçari është identifikuar si Vaso Koça dhe ishte banues në Belgjikë. Koça ka marrë ndihmën mjekësorë dhe aktualisht ndodhet jashtë rrezikut për jetën.
Grupi hetimor vijon punën për dokumentimin e plotë të rrethanave të ngjarjes.
![](https://shqiptarja.com/template/img/NO_ALFA_Kuadrate shqiptarja.png)
“Më datë 12.09.2021, rreth orës 01:30, shtetasi V.K., 49 vjeç, banues në Belgjikë, pasi ka gjetur portën e jashtme të hotelit ku rrinte të mbyllur, është ngjitur nga muri i jashtëm rrethues i hotelit dhe më pas është rrëzuar aksidentalisht dhe ndodhet në Spitalin Rajonal Elbasan, jashtë rrezikut për jetën”, njofton Policia.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)