Gjirokastër, AKZM në mbrojtje për
 ruajtjen natyrës e biodiversitetit 

Zonat e Mbrojtura në Shqipëri, janë territore për ruajtjen e natyrës dhe biodiversietetit, duke promovuar vlerat turistike, kulturore, gastronomike, estetike, peisazhin në shërbim të qendrueshmërisë dhe zhvillimit lokal. Kështu ka pohuar drejtori i Agjencisë Kombëtare të zonave të Mbrojtura Zamir Dedei nga Gjirokastra.

Kjo agjenci e sapokrijuar me mbështetjen e Ministrisë së Mjedisit, pjesëmarrëse në Panairin e Produkteve Shqiptare “ArgjiroFest-ON”, ka dhënë një mesazh të qartë për të rritur vizitueshmërinë në këto zona të mbrojtura e parqe duke shijuar bukuritë e tyre.

Dedei është ndalur edhe tek çështja e një prej zonave të mbrojtura, ajo e banjave termale të Bënjës ku po ndërtohet një hidrocentaral. Sipas tij po shihet një klimë pozitive për të mos lejuar vijimësinë e punimeve në hidrocentralin e Kalivacit. KE i ka kërkuar qeverisë shqiptare të ndalojë ndërtimin e hidrocentraleve, pasi kjo dëmton lumin e fundit të paprekur dhe natyror në Evropë.

Si drejtime kryesore të Agjencisë Kombëtare të Zonave të Mbrojtura janë tre shtylla kryesore: Menaxhimi i këtyre zonave, Rishikimi i mekanizmit financiar dhe Strategjia e komunikimit dhe ndërgjegjësimit.

Redaksia online
(f.m/shqiptarja.com)