GJIROKASTËR – Agim Dida ka vendosur t’i japë fund jetës, pasi ka plagosur rëndë kunatin e tij. Ngjarja e rëndë ka ndodhur në fshatin Sofratikë të Gjirokastrës. Burimet policore thanë se Dida ka debatuar me kunatin e tij, Alket Salaj në një lokal të fshatit. Në diskutim e sipër Dida ka qëlluar me armë zjarri 38 vjeçarin, i cili ndodhet në gjendje të rëndë në spital. Pasi është rrethuar nga policia, Agim Dida ka vrarë veten më armën e krimit. Sipas informacineve paraprake mendohet se Dida ishte në prag të divorcit me bashkëshorten e tij, çka besohet se ka qenë edhe pika e konfliktit me kunatin e tij, Alketin.

(aq/shqiptarja.com)