Gjirokastër, ÇEZ aksion blic në
lagjet e njohura si bastione të PS

GJIROKASTER - Pak ditë pas përfundimit të zgjedhjeve, komapnia ÇEZ Shpërndarje ka nisur një aksion blic për verifikimin e linjave dhe debitorëve në qarkun e Gjirokastrës. Ajo çka bie në sy është fakti se aksioni është përqëndruar kryesisht në zonat e njohura si bastionet e majta, siç janë Tepelena, Memaliaj, apo edhe Saranda. Drejtori i faturimit të ÇEZ Shpërndarje, Erald Zeneli i cilësoi këto zona si më problematike dhe se do të merren masa për ndërprerjen e energjisë elektrike për të gjitha ata konsumatorë që nuk kanë shlyer detyrimet financiare.

“Në kuadër të përmirësimit të treguesve të ÇEZ, vazhdojnë punën në terren, duke përmirësuar të treguesve tekniko ekonomik, verifikimin e linjave që furnizohen me energji, kontrolli i sistemit matës, dhe verifikimin e abonentevë që kanë detyrime të palikujduara. Këta të fundit, do të ndërpriten energjia nëse nuk paguajnë energjinë. Tepelena dhe Memaliaj, Saranda rajonet më problematike”- tha Erald Zeneli.

Ndërkohë, task-forca e ÇEZ nuk kaloi në zonën e Lazaratit, ndonëse prej 20 vitesh banorët nuk paguajnë energjinë elektrike. Në planin e shpërndarjes së task-forcës së ÇEZ, Lazarati nuk figuronte asgjëkundi ndonëse rryma elektrike nuk shkëputet për asnjë moment në këtë fshat ku faturimet janë në masën e 10%.

Redaksia Online
(sf/by/shqiptarja.com)

TAG:
• lazarat