Policia ka konstatuar lëndën narkotike në njërën nga sediljet e furgonit që drejtohej nga 36 vjeçari Ilir Gjergji. Në vendngjarje ka mbërritur drejtori Rajonal i Kufirit Drejtues Admir Abrija i cili gjendej në festën e 100 vjetorit të policisë.
Policia Kufitare ka bërë bllokimin e drejtuesit të automjetit dhe menjëherë ka njoftuar grupin hetimor. "Në brendësi të sediljes është konstatuar një pako e mbështjellë me letër natriban me peshë 1.3 kilogramë ku brenda kishte pluhur të bardhë të dyshuar si Kokainë", bën të ditur policia e Gjirokastrës.
Personi që transportonte drogën Ilir Gjergji është shoqëruar në ambientet e Drejtorisë së Policisë së Qarkut Gjirokastër. Sipas policisë, 36 vjeçari e kishte marrë drogën tek një shtetas nga Fieri dhe do ta trafikonte në Athinë.
Në cilësinë e provës materiale janë sekuestruar një aparat celular, lënda narkotike, si dhe automjeti që u gjet lënda narkotike.(r.d/s.g.shqiptarja.com)
![](https://www.shqiptarja.com/template/img/sh_logo1.png)