POP 5

Lajmet më të lexuara të 5 minutave të fundit

Kronikë

Gjirokastër/ Nis hetimi ndaj dy të rinjve, i dhanë hashash një 14-vjeçari dhe përfundoi në spital

Ndaj një 16-vjeçari dhe një 22-vjeçari në Gjirokastër ka nisur hetimi në gjendje të lirë, pasi një 14-vjeçar përfundoi në spital pas konsumimit të cannabis sativa, të ofruar nga 16-vjeçari. Policia gjeti lëndë narkotike në banesën e këtij të fundit, ndërsa 22-vjeçari nuk raportoi ngjarjen. I mituri, 14-vjeçar është jashtë rrezikut për jetën.

Foto ilustruese

GJIROKASTËR - Policia e Gjirokastrës ka nisur procedimin penal ndaj një 22-vjeçari dhe një 16-vjeçari, të dy banues në Gjirokastër, pas një rasti ku një 14-vjeçar përfundoi në spital pas konsumimit të dyshuar të lëndës narkotike cannabis sativa.

Sipas hetimeve, 16-vjeçari dyshohet se i ka dhënë lëndën narkotike 14-vjeçarit, ndërsa 22-vjeçari ishte i pranishëm gjatë ngjarjes, por nuk ndërhyri dhe as nuk raportoi në polici. Pas kontrollit në banesën e 16-vjeçarit, policia gjeti dhe sekuestroi një sasi të vogël të lëndës narkotike.

14-vjeçari mori trajtim mjekësor dhe është jashtë rrezikut për jetën, ndërsa materialet procedurale janë referuar Prokurorisë së Gjirokastrës për veprime të mëtejshme.

'Seksioni për Hetimin e Narkotikëve referoi materialet në Prokurori, ku nisi procedimi në gjendje të lirë për shtetasin P. N., 22 vjeç dhe për një shtetas 16 vjeç, të dy banues në Gjirokastër. Ditën e djeshme, 16-vjeçari dyshohet se i ka dhënë lëndë të dyshuar narkotike cannabis sativa, një 14-vjeçari, i cili pas konsumimit të saj është paraqitur në spital, me probleme shëndetësore, ndërsa 22-vjeçari ka qenë prezent gjatë këtij rasti, por nuk ka ndërhyrë dhe as nuk ka kallëzuar në Polici. 14-vjeçari mori mjekim dhe është jashtë rrezikut për jetën.

Gjatë kontrollit të banesës, shërbimet e Policisë i kanë gjetur dhe sekuestruar 16-vjeçarit, një sasi të vogël lënde të dyshuar narkotike cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.', njofton policia.

Lajmi ne perditesim...

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari

Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari

5 Janar, 17:03