Policia kufitare në Kakavije ka sekuestruar një pako të mbështjellë me natriban që dyshohet të jetë marihuanë. Lënda narkotike u gjetë gjatë kontrollit të një automjeti tip Hunday me targa greke TKZ 5848.

Droga ishte fshehur në brendësi të derës së shoferit. Dhimitra Tulika, 49 vjeç, ishte duke udhëtuar nga Saranda në drejtim të Larisas. Policia kufitare ka ndaluar shtetasen greke dhe e ka shoqëruar në ambjentet e komisariatit të policisë së Gjirokastrës.

Në vendngjarje ka mbërritur grupi hetimor dhe specialistët e sektorit kundër narkotikëve.

(v.gj/shqiptarja.com)