POP 5

Lajmet më të lexuara të 5 minutave të fundit

Kronikë

Furnizonin me drogë Përmetin, Këlcyrën e Gjirokastrën! 5 të arrestuar mes tyre 2 vëllezër, i gjejnë në banesë 3,5 kg kanabis (VIDEO)

Operacioni i koduar “One by one” u finalizua pas disa javë hetimesh dhe përgjimesh me metoda proaktive nga Policia dhe Prokuroria e Gjirokastrës. Dy prej të arrestuarve vëllezër, mbanin në banesë 3,5 kg kanabis, kurse 3 të tjerët u kapën me doza kokaine dhe 37900 lekë. Shitja edhe në Përmet e Këlcyrë

Gjirokastër- Furnizonin me kokainë dhe hashash të gjitha qytetet e qarkut të Gjirokastrës, goditet grupi kriminal, arrestohen 5 persona të dyshuar.

Policia vendore konfirmoi sot se ka finalizuar operacionin e koduar “One by one”, duke kryer edhe sekuestrime të provave materiale, në kontrolle dhe ndalime që janë kryer në Gjirokastër, Përmet dhe në Këlcyrë.

Gjatë operacionit u arrestuan në flagrancë shtetasit: K. Ç., 24 vjeç, M. Xh., 28 vjeç, D. N., 35 vjeç, të tre banues në Këlcyrë, K. K., 33 vjeç dhe F. K., 40 vjeç (vëllezër), të dy banues në Gjirokastër.

Grupi me 5 persona, teksa po hetohet edhe për të tjerë të implikuar, akuzohet për shitje në doza të drogës në këto qytete. 2 prej tyre (vëllezër) posedonin në banesë, 3.5 kg lëndë narkotike cannabis sativa, ndërsa 3 të tjerët u kapën në flagrancë me doza të lëndëve narkotike dhe me shuma parash të fituara nga shitja e tyre.  

“Sekuestrohen doza të lëndëve kokainë dhe cannabis sativa, rreth 3.5 kg cannabis sativa, 37 900 lekë dhe 2 automjete”, njoftoi policia vendore.

Operacioni erdhi pas një hetimi me metoda proaktive, të kryer për disa javë, në drejtimin e Prokurorisë së Gjirokastrës, pas informacioneve të siguruara nga inteligjenca policore.

“Nga hetimet ka rezultuar se këta 5 shtetas, të organizuar si grup, shitnin doza të lëndëve narkotike kokainë dhe cannabis sativa, në Gjirokastër, Përmet dhe në Këlcyrë. Lëndët narkotike siguroheshin kryesisht nga shtetasit K. K. dhe F. K. (vëllezër), të cilëve nga kontrolli në banesë, iu gjetën rreth 3.5 kilogramë cannabis. Ndërkaq, 3 të arrestuarit e tjerë u kapën në flagrancë me doza kokaine dhe kanabisi, si dhe me shumë parash, të përfituara nga shitja e dozave”, thuhet në njoftimin zyrtar. 

Hetimet e mëtejshme po i ndjek Prokuroria vendore. 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

11 Janar, 09:31 nga Paolo Mastrolilli