GJIROKASTER- Kishte ardhur nga Greqia për të vajtuar burrin e vdekur disa kohë më parë, por ka rënë pre e grabitjes me dhunë. Ngjarja ndodhi në varrezat e fshatit Xarrë të Sarandës, ku Vasiliqi Puriqi, 65-vjeç, emigrante nga fshati Mursi, është dhunuar e grabitur nga dy adoleshentë.

Pasi e kanë goditur me grushte, grabitësit kanë arritur t’i marrin 65-vjeçares, 500 euro, 50.000 lek të reja, pasaportën si dhe sende të tjera personale. Emigrantja ka denoncuar ngjarjen në Komisariatin e Sarandës, ndërkohë që oficerët e krimeve kanë organizuar operacionin policor te koduar "Aliverta" duke arritur të zbardhin ngjarjen dhe të identifikojnë dy autorët.

leke te sekuestraua plaka gjirokaster

Në pranga kanë rënë Kostandino Stefani dhe Kristaq Xhemalaj, dy 17-vjeçarë nga fshati Xarrë, të cilët akuzohen tashmë për veprën penale, “vjedhje me dhunë në bashkëpunim”. Policia ka arritur te gjeje edhe sendet e grabitura, te cilat ishin fshehur nga autoret ne fshatin Xarrë.

(sg/Shqiptarja.com)