Gjirokastra, e njohur si qyteti i gurit, është një nga destinacionet historike më të veçanta në Shqipëri, sidomos në pranverë kur qyteti merr një tjetër atmosferë mes gjelbërimit dhe rrugicave me kalldrëm.

E ndërtuar në shpatet e luginës së Drinos dhe e rrethuar nga malet, Gjirokastra është pjesë e trashëgimisë botërore të UNESCO-s dhe njihet për shtëpitë karakteristike me çati guri, rrugët e ngushta dhe historinë që shtrihet prej shekujsh.

Një nga pikat kryesore për turistët është Kalaja e Gjirokastrës, një fortesë e madhe që dominon mbi qytetin dhe ofron pamje të gjera mbi shtëpitë tradicionale dhe luginën e Drinos.

Në zemër të qytetit ndodhet Pazari i Vjetër, ku rrugicat me kalldrëm janë të mbushura me dyqane artizanale, kafene dhe restorante tradicionale që mbajnë gjallë atmosferën e vjetër të qytetit.

Vizitorët mund të ndalen edhe te disa nga shtëpitë muze, si ajo e familjes Skënduli apo shtëpia e shkrimtarit Ismail Kadare, që tregojnë jetën dhe arkitekturën karakteristike të Gjirokastrës në shekujt e kaluar.

Pamje nga qyteti historik janë ndarë të dielën edhe nga kryeministri Edi Rama në rrjetet sociale, ku shfaqet Gjirokastra mes gjelbërimit të pranverës dhe arkitekturës karakteristike që e ka bërë një nga qytetet më të vizituara në vend.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera