POP 5

Lajmet më të lexuara të 5 minutave të fundit

Kronikë

GJKKO e la në burg, avokati Indrit Sefa zbulon në Report Tv se çfarë do të ndodhë me ish-presidentin Ilir Meta

Meta do të qëndrojë në një nga qelitë e paraburgimit tek ‘313' në Tiranë, ndërsa avokati Indrit Sefa, për Report Tv shpjegoi edhe se çfarë do të ndodhë me tej me ish-presidentin.

TIRANË- Gjykata e Posaçme la në burg një ditë më parë, kreun e Partisë së Lirisë, Ilir Meta i arrestuar me urdhër të SPAK për aferën CEZ-DIA dhe lobimin në SHBA. Meta do të qëndrojë në një nga qelitë e paraburgimit tek ‘313' në Tiranë, ndërsa avokati Indrit Sefa, për Report Tv shpjegoi edhe se çfarë do të ndodhë me tej me ish-presidentin.

Sefa thotë se mbrojtja e Metës ka 5 ditë afat për të ankimuar në Apelin e GJKKO masën e sigurisë arrest me burg.

“Akuzat janë akuza të rënda, korrupsioni pasiv 4-12 vite, pastrimi i parave deri në 15 vite burg. Këto dënime nuk bëhet mbledhje matematikore, është Gjykata ajo që nëse e dënon, do dalë me një dënim të vetëm duke bërë bashkimin e dënimeve të veprave të ndryshme. Zakonisht nuk e kalojnë vlerën maksimale të dënimit të një prej veprave”, tha Sefa për Report Tv.

Për emisionin ‘Sot Live në Shqipëri’ me gazetarin Nertil Agalliu, avokati Sefa shpjegon edhe se kur mund të mbyllen hetimet e dosjes për çiftin Meta-Kryemadhi.

“SPAK ka afat 1 vit, brenda 1 viti duhet të mbyllë hetimet, të komunikojë akuzat dhe të dërgojë çështjen për hetimin njëjtë si rasti i Berishës dhe Malltezit që respektoi afatin”, vijoi Sefa.

Sefa komenton edhe çështjen Berisha, duke theksuar se në SPAK vijon hetimi pasuror për familjen.

“Praktikë e ndjekur nga SPAK, ndjek edhe mënyra të tjera të bërit hetime me fraksione për vepra të tjera të posaçme penale që mendon se nuk janë hetuar akoma gjatë kësaj faze dhe do hetohen në fazën në vazhdim. Është procedim i ri, për vepër penale të re, nuk bashkohet me dosjen Partizani”, tha sefa.

Në 5 orë seancë mes debateve e kërcënimeve ndaj drejtësisë, Gjykata e Posaçme konfirmoi masën e arrestit në burg për Ilir Metën, dhe caktoi detyrim paraqitje 1 herë në muaj për Monika Kryemadhin nën akuzë nga SPAK për korrupsion, pastrim parash e fshehje të pasurisë. Të dy, sulmuan ashpër drejtësinë për një proces pa prova me urdhër politik.

Po ashtu, GJKKO ndryshoi masën nga arrest shtëpie në detyrim paraqitjeje për Piro Xhixhon nën akuzë për korrupsion pasiv dhe la në fuqi masën detyrim paraqitjeje për Ema Çokun nën akuzë për pastrim parash.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Floriri Krrabes: 24/10/2024 15:47

    Ohhh! D.Prifti! Ku je?

    Përgjigju
  • Sondazhi i ditës:

    PD proteston duke bllokuar rrugët kryesore në vend, si e vlerësoni?

Lajme të tjera



×

Lajmi i fundit

Aksidenti tragjik në aksin Lushnjë-Tiranë, viktimë avokati i njohur! Po kalonte rrugën në këmbë

Aksidenti tragjik në aksin Lushnjë-Tiranë, viktimë avokati i njohur! Po kalonte rrugën në këmbë

28 Tetor, 12:07