Gjobiten dy kompani/ AKU: Sekuestrohen 31 ton kripë jashtë standardeve

31 ton kripë janë bllokuar nga Autoriteti Kombëtar i Ushqimit, pasi ishin me nivel jodi nën normën e lejuar.

Gjatë një kontrolli të ushtruar në dy kompani shqiptare kane rezultuar shkelje të rënda, për të cilat janë gjobitur. Në njërën prej kompanive u konstatuan 3 shkelje ligjore: Për importim në kundërshtim me Ligjin e Ushqimit, ku mungonte certifikata origjinale e lëshuar nga vendi i origjinës, për mungesë të një sistemi funksional gjurmueshmërie, për etiketim produkti të parregullt dhe për veprime në kundërshtim me përgjegjësitë e Operatorit të Biznesit Ushqimor.

Për këto shkelje, kjo kompani u gjobit me 600 mijë lekë. Gjithashtu iu bllokuan 16.2 ton për sasinë e magazinuar, si dhe iu kërkua që të tërheqë nga tregu të gjithë sasinë e kripës që ishte jashtë standarteve.

Ndërkohë edhe subjekti tjetër, është gjobitur për import në kundërshtim me ligjin dhe veprime në kundërshtim me kërkesat e gjurmueshmërisë në shifrën e 200 mijë lekësh. Gjithashtu u urdhërua të tërheqë nga tregu produktin kripë të shpërndarë për shitje në sasinë prej 15 ton kripë dhe kthimin e saj në vendin e origjinës.

B.K./G.M./Shqiptarja.com
Komento

Komente

  • kripa: 23/05/2019 10:09

    Thjesht lufte e ndyre tergetare. ligji i talian nga vjen kripa percanton si norme standarte te kripes 3mg/kg. Ligji jone percanton nga 4-6 mg por nje nen tjeter thote se mudhd te tregetohet dhe m e2 mg/kg. Rumpalle hesapi.

    Përgjigju