Biznesmeni Ylvi Beqaj i cili gëzon statusin e të mbrojturit të drejtësisë pritet që më 27 Janar të përballet për herë të parë me personat të cilët ai i ka kallëzuar për kërcënim dhe gjobvënie mes tyre dhe Emiljano Shullazin.

Ka qenë gjyqtari Dritan Hallunaj i Krimeve të Rënda që ka miratuar kërkesën e organit të akuzës për ballafaqimin e dëshmisë së Beqajt me të pandehurit në këtë proces hetimit.

Nuk dihet nëse të pandehurit do të marrin pjesë në këtë proces ballafaqimi, ndërsa nëpërmjet avokatëve ata i kanë mohuar akuzat se kanë kërcënuar apo gjobitur Ylvi Beqajn.

Në listën e të pandehurve të Prokurorisë për kërcënimin e biznesmenit nga Durrësi janë Emiljano Shullazi, Gilmando Dani, Blerim Shullazi, Endri Zela dhe Endri Qyqja.

Redaksia Online
l.q/Shqiptarja.com