POP 5

Lajmet më të lexuara të 5 minutave të fundit

Arkiva

Gjonçaj: KQZ zgjatim i pushtetit
në ikje, do të bëjë pis procesin

Përfaqësuesi ligjor i PS-së Genc Gjonçaj deklaron se vendimi i KQZ-së për të hapur të gjitha kutitë e qarkut të Lezhës dhe për të rinuëmruar është një vendim që tregon se KQZ vazhdon të mbetet zgjatim i pushtetit në ikje.  
TIRANE- Përfaqësuesi ligjor i PS-së Genc Gjonçaj deklaron se vendimi i KQZ-së për të hapur të gjitha kutitë e qarkut të Lezhës dhe për të rinumëruar është një vendim që tregon se KQZ vazhdon të mbetet zgjatim i pushtetit në ikje.  
 
“KQZ mori sot një vendim absurd të pabazuar ne ligj. I referohemi kërkesave te vazhdueshme tona ne vitin 2009 ku kërkuam hapjen e kutive qe u refuzuan nga 3anëtarë te kësaj tryeze dhe ankimimi jonë nuk gjeti mbështetje pranë Kolegjit Zgjedhor. Kjo praktikë e unifikuar qoftë nga KQZ e Kolegji Zgjedhor po ndryshon sepse KQZ vazhdon të mbetet zgjatim i fundit i pushtetit në ikje i PD. Dhe mesa duket interesi i tyre është të bëjnë pis procesin zgjedhor. Më lejoni t’iu kujtoj që në 2011 ndërroi në tavolinë mandatin e kryetarit të Bashkisë së Tiranës nëpërmjet këtyre procedurave. Atëherë diferenca ishte e ngushtë, ishin vetëm 10 vota dhe manipulimi i kutive të denoncuara asokohe nga ne i’a arriti qëllimit. Ne kemi dyshime serioze që kjo procedurë përveç zgjatjes në kohë të shpalljes së rezultatit të zgjedhjeve dhe përfundimit të procesit zgjedhor nëpërmjet procedurave që tashmë dihen pranë Kolegjit, kjo shtyrje bëhet për të siguruar një rezultat të ndryshëm nga ai çka është votuar në këtë qark”- tha  Gjonçaj në një prononcim për median, nga salla e KQZ, menjëherë pas përfundimit të mbledhjes së këtij institucioni.
 
Ai shtoi se PS nuk ka frikë për procesin e rinumërimit, por ata nuk administrojnë asnjë provë, që të vërtetojë të ketë pasur parregullsi procesi përveç atyre 10 kutive  ku si komisionerët e majtë dhe të djathtë kanë shënuar parregullsi. "Ne nuk kemi frikë nga procesi i rinumërimit, nuk administrojmë asnjë rast përveç atyre qendrave në 10 kuti që ne i denoncuam. Ajo që po ndodh, është që komisioni po fut duart në kutitë e votimit qe janë jashtë administrimit të partive politike"
 
Gjonçaj nënvizoi sërish se KQZ “kërkon të bëjë pis procesin zgjedhor duke përsëritur procesin e 2011,  duke cënuar integritetin për të treguar se rezultati i zgjedhjeve është i manipuluar si zërat e politikës janë sot. Por asnjë komision nuk do të mund të  ndryshojë rezultatin. “
 
“Ne nuk kemi asnjë lloj shqetësimi. Ka të bëjë me integritetin e procesit. Kjo gjë që kërkon të përsëritet është e paligjshme dhe do të gjejë kundërshtimin tonë këtu , kolegj dhe kudo”- nënvizoi në fund Gjonçaj.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43