POP 5

Lajmet më të lexuara të 5 minutave të fundit

Kronikë

Gjonaj: Reforma në drejtësi, sfida kryesore ngritja e institucioneve të reja

Ministrja e Drejtësisë, Etilda Gjonaj, ka zhvilluar një takim ditën e sotme me studentë të Fakultetit të Shkencave Politike- Juridike në Universitetin “Aleksandër Moisiu” të Durrësit.
Gjonaj: Reforma në drejtësi, sfida kryesore ngritja e institucioneve të reja

Ministrja e Drejtësisë, Etilda Gjonaj gjatë takimit me studentë të Fakultetit të Shkencave Politike- Juridike në Universitetin “Aleksandër Moisiu” të Durrësit

Ministrja e Drejtësisë, Etilda Gjonaj, ka zhvilluar një takim ditën e sotme me studentë të Fakultetit të Shkencave Politike- Juridike në Universitetin “Aleksandër Moisiu” të Durrësit.

Ministrja Gjonaj ka theksuar se Qeveria ka ndërmarrë të gjithë iniciativën e saj, ligjvënëse, ligjëbërëse, por edhe njëkohësisht edhe mbështetjen financiare në kuadër të zbatimit të Reformës në Drejtësi. 

Deri dje gjyqtarët e prokurorët ishin kthyer në një koorporatë, e cila e ishte e pamundur për t’u depërtuar. Ndërsa sot shikojmë gjyqtarë e prokurorë, të cilët nuk e ndjejnë veten që kalojnë procesin dhe dorëhiqen, si dhe gjyqtarë e prokurorë të cilët nuk e kalojnë dot procesin e Vettingut, e kjo është pikërisht ajo për të cilën qytetarët shqiptarë kanë dhënë besimin për Reformën në Drejtësi.

Ministrja e Drejtësisë, Etilda Gjonaj

Takimi i organizuar në formën e një bashkëbisedimi të hapur kishte në qendër të diskutimit reformën në drejtësi, ecurinë e saj, mbështetjen që qeveria ka dhënë për këtë reformë si dhe ndikimin e rezultateve të reformës në marrjen e rekomandimit pozitiv për çeljen e negociatave të anëtarësimit në BE. 

 Për një kohë jashtëzakonisht të shkurtër janë miratuar një sërë aktesh nënligjore dhe si dhe është siguruar mbështetja financiare e infrastrukturore, për t’iu dhënë mundësinë e ngritjes dhe funksionimit institucioneve të reja, të cilat janë të lidhura me procesin e vlerësimit kalimtar të gjyqtarëve dhe prokurorëve.

Ministrja e Drejtësisë, Etilda Gjonaj

Nga ana tjetër ministrja e drejtësisë ka evidentuar se një ndër sfidat kryesore të reformës është ngritja sa më shpejt e institucioneve të reja, të cilat ndikojnë në të gjithë procesin e emërimit, rekrutimit, futjes apo përfshirjes së studentëve të rinj në shkollën e Magjistraturës dhe të gjitha këto janë lidhura zinxhir. Gjonaj është shprehur përpara studentëve se:

Rekomandimi pa kushte i dhënë nga Komisioni Europian për çeljen e negociatave për Shqipërinë i atribuohet pikërisht rezultateve pozitive që kemi pasur me Reformën në Drejtësi dhe tashmë jo vetëm thjesht me dizenjimin e saj, por për rezultatet konkrete që janë dhënë e kanë qenë të dukshme lidhur me procesin e Vettingut.

Ministrja e Drejtësisë, Etilda Gjonaj

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drejtesi: 01/05/2018 17:14

    Zj Ministre! Reforma ne drejtesi kambaru,perderisa cdo gjygjtar apo prokur i korruptuar largohet nga drejtesija duke dhen dorheqen,pse beni shpenzime per organet e vetingut.Ceshte kjo lloje reforme ne drejtesi,qe gjytari,prekurori vidhka shperdoroka detyren duke pervetesuar pasuri prrallore dhe nuk u hetoka,ndersa katunari vjedh nje pul e shkon ne burg.Pse nuk beni nje amisti i falni te gjithe dhe ju thoni mos beni me.Kjo eshte drejtesi alla shqiptare,prandaj shtetin e ka mare ne dore Krimi,ju mbani celesat e zyrres.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu