Gjonaj takim me Komisioneren e BE-së, Jourova: Të mos ndalojë ecuria e procesit të Vettingut

Etilda Gjonaj takim me Komisioneren e BE

Ministrja e Drejtësisë, Etilda Gjonaj ditën e sotme ka zhvilluar me një takim me Komisioneren e BE-së, Vera Jourova. 

Ecuria e Shkollës së Magjistraturës, si baza e formimit të magjistratëve të rinj, zgjidhja e ngërçit me institucionet e drejtësisë dhe vijimi i zbatimit të reformës në drejtësi kanë qenë çështjet më të ndjeshme të diskutura në këtë takim.

Takimi është mbajtur në përfundim të Ministerialit 2-ditor Bashkimi Europian – Ballkani Perëndimor për Çështjet e Drejtësisë dhe Punëve të Brendshme, që u mbajt në Tiranë. 

Burime zyrtare nga Ministria e Drejtësisë thanë se zbatimi i Reformës në Drejtësi, ecuria e procesit të vettingut dhe ngritja e institucioneve te reja ka qenë tema kryesore e takimit dypalësh, në të cilin merrnin pjesë edhe Genoveva Ruiz Calavera, Drejtoreshë për Ballkanin Perëndimor në Bashkimin Evropian si dhe Ambasadori i Delegacionit Europian në Tiranë, Luigi Soreca.

Komisinerja Jourova është interesuar në veçanti për procesin e vetingut dhe ka shprehur mbështetjen e saj të dhe të Komisionit Europian për çdo nevojë që do të ndihmonte në zbatimin e mëtejshëm të këtij procesi. 

Ministrja Gjonaj ka theksuar se pavarësisht mungesës së konsensusit nga ana e opozitës në Parlament, lista prioritare e vetingut po përfundon dhe kjo do t’i hapë rrugë krijimit të institucioneve të reja të drejtësisë KLGJ dhe KLP, të cilat do të miratojnë kuotat e reja për shkollën e Magjistraturës duke i dhënë kështu zgjidhje ngërçit të krijuar. 

Ministrja e Drejtësisë i ka thënë Eurokomisioneres se Reforma në Drejtësi ka pasur në impakt të jashtëzakonshëm dhe si asnjë proces tjetër më parë është përqafuar gjërësisht në publik duke marrë mbështetje të plotë.

ke.mu./Shqiptarja.com
  • Sondazhi i ditës:

    A ju ka ndihmuar bashkia në zonën ku jetoni për të përballuar emergjencën e krijuar nga koronavirusi?

Komento

Komente

  • Inna: 06/10/2018 22:17

    Nje pyetje kam une. Nga vitet 2000 deri ne 2007 keni pare ndonjeher ndonje minister drejtesie te ulej ne takime me nderkombetaret? Shume e thjesht. Nuk i besonte njeri. Kur ti fillon dhe punon drejt atehere te besojn te huajt.

    Përgjigju
  • Kujtim: 06/10/2018 22:14

    Mbeshtetja nderkombetare eshte gjeja me e rendesishme per integrimin ne BE. Fakti qe nderkombetaret na mbeshtesin do te thot qe realisht besojn te kjo reforme.

    Përgjigju
  • Sivio: 06/10/2018 22:13

    Tani te rrim drejt dhe te flasim drejt. Kjo cupa erdhi e panjohur ne politik dhe sot eshte nje nga ministret me te mira. Ju rra kokes te gjithe te korruptuarve

    Përgjigju
  • Jani: 06/10/2018 22:13

    Per ne qe jemi popull i thjesht reforma eshte realisht nje nga gjerat me te mira qe ka bere kjo qeveri.

    Përgjigju