Gjonaj uron 4 anëtarët e rinj të Gjykatës së Lartë: Rezultat i suksesshëm i zbatimit të Reformës në Drejtësi

 

Ministrja e Drejtësisë, Etilda Gjonaj ka reaguar pas përzgjedhjes së katër gjyqtarëve të rinj të Gjykatës së Lartë, nga Këshilli i Lartë Gjyqësor. Gjonaj e cilëson këtë si një tjetër rezultat të suksesshëm të Reformës në Drejtësi.

‘Një tjetër rezultat i suksesshëm i zbatimit të Reformës në Drejtësi, përzgjedhja e katër gjyqtarëve të rinj të Gjykatës së Lartë nga Këshilli I Lartë Gjyqësor. Plotësimi i Gjykatës së Lartë është një prioritet për të gjithë ne dhe që do të duhet të vijohet në muajt në vijim me vakancat e tjera. Tashmë dhe me frymëmarrjen që do të japin ndryshimet e reja ligjore për Gjykatën e Lartë, do të jetë e mundur shqyrtimi i dosjeve në kohë më të shpejtë.

Suksese katër anëtarëve të rinj të kësaj Gjykate në detyrën e tyre, e cila mbart shumë përgjegjësi para qytetarëve shqiptarë. Rezultatet e reformës në Drejtësi vijojnë! Falenderime për mbështetjen partnerëve tanë të përkushtuar tek rezulatet e Reformës në Drejtësi U.S. Embassy-Tirana, European Union in Albania dhe të gjithë aktorët e tjerë të angazhuar.’- shkruan Gjonaj.

Lajmi kryesor:

Gjykata e Lartë bëhet me 7 anëtarë, Meta dekreton 4 emrat e rinj: Me këto ritme plotësimi do bëhet në mars të 2024! SHBA-BE: KLGJ të vijojë emërimet

M.Q./Shqiptarja.com

TAG:
• Ilir Meta
• gjykata e larte
• reforma ne drejtesi
• etilda gjonaj
• klgj